Bota

Presidenti i Iranit: Teherani është gati për negociata, por nuk do të ndalojë aktivitetet bërthamore

Izraeli nisi sulme masive ndaj Iranit më 13 qershor, të cilat sipas tij kishin në shënjestër lokacione bërthamore dhe oficerë të lartë ushtarakë, duke shkaktuar sulme hakmarrëse nga Teherani.

21 Qershor 2025, 20:40 Nga r.ll
Presidenti i Iranit: Teherani është gati për negociata, por nuk
masoud pezeshkian

IRAN- Presidenti iranian Masoud Pezeshkian tha se vendi i tij është gati të ofrojë garanci dhe të ndërtojë besim në lidhje me aktivitetet bërthamore të vendit, njoftoi agjencia shtetërore e lajmeve IRNA, pasi presidenti i Francës Emmanuel Macron shprehu shqetësime në një telefonatë të shtunën.

“Republika Islamike e Iranit është e gatshme për negociata dhe dialog për të zgjidhur çështjet, por çdo bisedë ose parakusht do të pranohet vetëm brenda kuadrit të ligjeve dhe normave ndërkombëtare”, tha Pezeshkian në një deklaratë ditën e sotme.

Pezeshkian shtoi se Teherani nuk do të pranojë kurrë reduktimin e aktiviteteve bërthamore në zero dhe paralajmëroi se përgjigjja e Iranit do të jetë edhe më vendimtare dhe e fuqishme përballë sulmit të Izraelit.

“Që nga fillimi, ne kemi kërkuar të forcojmë bashkëpunimin me të gjitha vendet e botës bazuar në besimin dhe respektin e ndërsjellë. Megjithatë, ishte regjimi sionist ai që e prishi këtë rrugë që nga dita e parë”, tha ai.

Izraeli nisi sulme masive ndaj Iranit më 13 qershor, të cilat sipas tij kishin në shënjestër lokacione bërthamore dhe oficerë të lartë ushtarakë, duke shkaktuar sulme hakmarrëse nga Teherani. Luftimet njëjavore kanë shkaktuar tashmë një kosto të hidhur njerëzore.

Irani ka ndërtuar infrastrukturën e tij bërthamore që nga vitet 1960, me disa objekte të varrosura nën tokë. Është i aftë të kryejë shumicën e fazave të prodhimit të uraniumit, nga minierat deri te pasurimi - dhe prej kohësh ka mbajtur qëndrimin se programi është paqësor, konkretisht për të gjeneruar energji për përdorim civil.

konflikti iran-izrael

Sondazh

Poll

MË SHUMË