Bota

Spitalet lokale raportojnë 33 të plagosur pas sulmit iranian në Haifa

Sipas një përditësimi të së premtes nga shërbimet e emergjencës së Izraelit, 685 persona janë dërguar në spital me lëndime fizike që kur Izraeli filloi operacionin e tij javën e kaluar dhe Irani u kundërpërgjigj me sulmet e veta me raketa

20 Qershor 2025, 22:55 Nga r.ll
Spitalet lokale raportojnë 33 të plagosur pas sulmit iranian në
spitali rambam

IZRAEL- Një total prej 33 personash u plagosën fizikisht nga një sulm iranian në Haifa në Izraelin verior të premten, sipas shifrave të spitaleve lokale.

Një person është në gjendje të rëndë dhe dy të tjerë janë në gjendje të moderuar pas sulmit, sipas spitalit të Rambamit. 16 pacientë të tjerë me lëndime të lehta u trajtuan po ashtu në spital, raporton CNN. Një zëdhënës i Qendrës Mjekësore Bnai Zion në Haifa tha se kishte pranuar 14 persona të plagosur lehtë pas sulmit.

Sipas një përditësimi të së premtes nga shërbimet e emergjencës së Izraelit, 685 persona janë dërguar në spital me lëndime fizike që kur Izraeli filloi operacionin e tij "Rising Lion" javën e kaluar dhe Irani u kundërpërgjigj me sulmet e veta me raketa.

Nga këta, 643 persona u "plagosën lehtë", tha Magen David Adom (MDA) në një deklaratë. Një total prej 24 personash janë vrarë në Izrael që nga fillimi i konfliktit javën e kaluar, tha MDA.

 

konflikti iran-izrael

Sondazh

Poll

MË SHUMË