Bota

Ministri i Mbrojtjes në Itali: NATO nuk ka më arsye që të ekzistojë, roli i Evropës ka mbaruar

Crosetto theksoi se NATO duhet të pësojë një ndryshim të thellë, të fillojë një dialog me Jugun Global, në mënyrë që të garantojë paqen dhe mbrojtjen e ndërsjellë.

20 Qershor 2025, 17:31 Nga r.ll
Ministri i Mbrojtjes në Itali: NATO nuk ka më arsye që të
ministri italian

ITALI- Ministri italian i Mbrojtjes, Guido Crosseto ka deklaruar sot në një konferencë që po zhvillohej në Padova se NATO nuk ka më arsye të ekzistojë.  Gjatë fjalës së tij, ministri italian tha gjithashtu se dikur Evropa dhe Shtetet e Bashkuara ishin pika qendrore e referencës, ndërsa tani janë të gjithë të tjerët me të cilët duhet të krijohet një marrëdhënie.

Crosetto theksoi se NATO duhet të pësojë një ndryshim të thellë, të fillojë një dialog me Jugun Global, në mënyrë që të garantojë paqen dhe mbrojtjen e ndërsjellë.

"Shpesh flasim sikur ende jetojmë në një epokë që ka kaluar tre dekada më parë. Në realitet, megjithatë, gjithçka ka ndryshuar. Disa njerëz flasin për Evropën sikur ajo ka rëndësi për diçka. Dikur, ndoshta, mund të kishte rëndësi, nëse do të fitonte një rol politik, të cilin nuk e kishte fituar. Nëse do të fitonte një politikë të jashtme dhe mbrojtje. Megjithatë, koha e saj ka kaluar dhe e them këtë me keqardhje", tha ai.

"Bota ka ndryshuar. Dhe OKB-ja, në pjesën tjetër të botës, ka rëndësi aq sa Evropa. Asgjë, domethënë, më pak se një grup kombëtar, më pak se India dhe Izraeli", shtoi ai.

Crosetto deklaroi në fund se deri më tani Shtetet e Bashkuara nuk kanë kërkuar të përdorin bazat e tyre të vendosura në Itali për operacione që lidhen me zhvillimet në Lindjen e Mesme.

guido crosseto

Sondazh

Poll

MË SHUMË