Bota

"Harabeli grabitqar" hakëron një bankë iraniane: Banka Sepah anashkaloi sanksionet ndërkombëtare dhe përdori paratë e popullit për të financuar terroristët e regjimit

Gonjeshke Darande ka marrë përgjegjësinë për disa sulme kibernetike ndaj Iranit në vitet e fundit, duke përfshirë ato kundër stacioneve të benzinës dhe një fabrike çeliku.

17 Qershor 2025, 11:31 Nga N.F
"Harabeli grabitqar" hakëron një bankë iraniane: Banka
Foto

IZRAEL- Një grup hakerash i lidhur më parë me Izraelin pretendon se ka shkatërruar të dhëna që i përkisnin një banke iraniane nën sanksionet e SHBA-së. Grupi i njohur, “Gonjeshke Darande” ose “harabeli grabitqar”, thotë se kryeu sulme kibernetike të cilat shkatërruan të dhënat e Bank Sepah.

“Banka Sepah ishte një institucion që anashkaloi sanksionet ndërkombëtare dhe përdori paratë e popullit të Iranit për të financuar përfaqësuesit terroristë të regjimit, programin e tij të raketave balistike dhe programin e tij ushtarak bërthamor”, thotë Gonjeshke Darande në një postim në X.

“Kjo është ajo që u ndodh institucioneve të dedikuara për të mbështetur fantazitë terroriste të diktatorit. Falënderojmë iranianët e guximshëm ndihma e të cilëve e bëri të mundur këtë operacion”, thuhet në njoftim.

Gonjeshke Darande ka marrë përgjegjësinë për disa sulme kibernetike ndaj Iranit në vitet e fundit, duke përfshirë ato kundër stacioneve të benzinës dhe një fabrike çeliku.

Izraeli në përgjithësi nuk merr përgjegjësi për operacionet kibernetike kundër Iranit. Në mediat sociale u raportua se shërbimet bankare të Sepah ndaluan së punuari këtë mëngjes.

 

iran gonjeshke darande

Sondazh

Poll

MË SHUMË