Aktualitet

Vrasja e Gentiana Hudhrës nga ish-bashkëshorti/ Komuniteti italian organizon homazhe për viktimën, stoli ku ndodhi ngjarja lyhet me të kuqe, ja simbolika

Ditën e sotme stoli mbi të cilin u ul Nikollaq Hudhra pasi vrau ish-gruan e tij u "shndërrua" në një stol të kuq me mbishkrimin “Në kujtim të Gentianës”.

16 Qershor 2025, 16:58 Nga M.B
Vrasja e Gentiana Hudhrës nga ish-bashkëshorti/ Komuniteti italian
Foto nga vendi i ngjarjes

ITALIA- Një ngjarje e rëndë ndodhi të shtunën në qytetin Tolentino, në provincën e Maceratës, të Italisë ku një shqiptare 45-vjeçare, Gentiana Hudhra, u vra me thikë nga ish-bashkëshorti i saj, Nikollaq Hudhra. Mediat italiane shkruajnë se ajo u godit për vdekje me një thikë me një teh rreth 30 centimetra të gjatë, nga ish-burri i saj dhe se ai iu afrua me një skuter.

Ndërkohë, ditën e sotme stoli mbi të cilin u ul Nikollaq Hudhra pasi vrau ish-gruan e tij u "shndërrua" në një stol të kuq me mbishkrimin “Në kujtim të Gentianës”. Kryetari i bashkisë Mauro Sclavi dhe administrata bashkiake, në marrëveshje me krerët e grupeve të këshillit, kanë vendosur të mbështesin një demonstratë për të kujtuar Gentianën dhe për të rritur ndërgjegjësimin publik.

“Për Gentianën” është titulli i zgjedhur për këtë demonstratë kundër dhunës ndaj grave që do të mbahet nesër në mbrëmje. Në orën 21:00 në Piazza della Libertà, njerëzit do të mblidhen duke lëvizur përgjatë Via Filelfo, Piazza Martiri Montalto, Via Parisani, Via Tambroni drejt Viale Benadduci.

Në orën 21:30 në Viale Benadduci do të ketë fjalime institucionale nga autoritetet. Përveç kryetares së bashkisë, Maria Lina Vitturini, presidente e Komisionit Rajonal të Mundësive të Barabarta, prefektja e Maceratës Isabella Fusiello, peshkopi Nazzareno Marconi, presidenti i Rajonit Francesco Acquaroli janë ftuar të flasin. Pas kësaj, sipas mediave italiane, do të bëhet zbulimi i stolit të kuq kundër dhunës ndaj grave “Në kujtim të Gentianës”.

gentiana hudhra

Sondazh

Poll

MË SHUMË