Sport

Mbërrin futbollisti i fundit në Botërorin e Klubeve, nga refuzimi i vizës prej grabitjes tek telefonatat anonime! - VIDEO

Fundi i lumtur mund të kishte ardhur më shpejt, për fat të keq që Costa është një nga të shumtët që nuk u përgjigjet thirrjeve nga një numër privat.

15 Qershor 2025, 00:36 Nga DOSJA
Mbërrin futbollisti i fundit në Botërorin e Klubeve, nga refuzimi

SHBA - Odiseja e gjatë e Ayrton Costas për të marrë pjesë në Kupën e Botës për Klube më në fund ka mbaruar dhe ka pasur një fund të lumtur. Pasi kërkesat e tij për vizë iu refuzuan dy herë nga SHBA-ja për akuzën e vjedhjes me thyerje dhe grabitjes së rëndë në vitin 2018, në përpjekjen e tretë, falë ndërhyrjes së FIFA-s, mbrojtësi i Boca Juniors mori dritën jeshile dhe iu bashkua shokëve të tij të ekipit në Miami, me të cilët do të debutojë kundër Benfica të martën më date 17 në mesnatë, sipas orarit tone. "Jam shumë i lumtur që jam këtu, falënderoj klubin që besoi tek ne që nga fillimi dhe deri në fund dhe falënderoj Russon (trajnerin e Boca Junior) i cili më përfshiu menjëherë në listën e të grumbulluarëve, duke marrë një rrezik të madh", tha ai.

Fundi i lumtur mund të kishte ardhur më shpejt, për fat të keq që Costa është një nga të shumtët që nuk u përgjigjet thirrjeve nga një numër privat. Në anën tjetër të linjës, në fakt, ishte FIFA, e cila e kishte zgjidhur çështjen e tij, por nuk ishte në gjendje t'ia komunikonte. "E vërteta është se më thanë se do ta konfirmonin vizën me anë të email-it, por në fund më telefonuan nga një numër i panjohur rreth katër herë - u justifikua Costa -. Dhe unë nuk doja të përgjigjesha... Në fund e bëra dhe shkova të merrja vizën. Jam shumë i lumtur, dhe kështu është edhe familja ime. Mezi pres të luaj".

Mbërritja e Kostës në Miami

B.T (Dosja.al)

Sondazh

Poll

MË SHUMË