Bota

Rreth 300 persona raportohen të vdekur/ Dalin pamje të reja, momenti që tregon ngritjen dhe rrëzimin e avionit të Air India (VIDEO)

Avioni arriti një lartësi prej rreth 190 metrash përpara se të fillonte gradualisht të drejtohej drejt tokës.

12 Qershor 2025, 20:31 Nga r.ll
Rreth 300 persona raportohen të vdekur/ Dalin pamje të reja, momenti
avioni i air india

INDI- Një video e re ku shihet aeroplanin e Air India duke u ngritur nga pista e aeroportit të Ahmedabadit dhe duke u përplasur në një konvikt studentësh mjekësie nga një kënd tjetër ka qarkulluar në mediat sociale. Videoja, e kapur nga një kamera sigurie e aeroportit, tregon aeroplanin me 242 persona në bord duke arritur një lartësi prej rreth 190 metrash përpara se të zbresë gradualisht drejt tokës.

Raportohet se ka shkuar në 290 numri i personave që nga aksidenti i sotëm tragjik.  Midis viktimave janë pasagjerët në fluturim dhe njerëzit që ishin brenda konviktit të Kolegjit Mjekësor dhe Spitalit BJ kur avioni u përplas me të. Më herët të enjten, Swapnil Bhalodia i Rrjetit të Studentëve të Mjekësisë të Shoqatës Indiane Mjekësore tha se të paktën tre studentë të mjekësisë kishin vdekur në aksident dhe 30 të tjerë u plagosën. 

Aeroplani po udhëtonte për në aeroportin Gatwick të Londrës dhe mbante shtetas indianë, britanikë, kanadezë dhe portugezë.  Gjithashtu deri tani është raportuar për një të mbijetuar, i cili mësohet se ishte ulur në sediljen 11A të avionit Boeing. Sedilja e tij ndodhej pranë njërës prej daljeve të emergjencës së avionit. Pasagjeri vetë përshkroi se kishte parë trupa pranë tij përpara se të ngrihej dhe të dilte me vrap nga avioni pas rrëzimit. 39-vjeçari pësoi vetëm lëndime të lehta në fytyrë, gjoks dhe këmbë.

rrezimi i avionit ne indi

Sondazh

Poll

MË SHUMË