Bota

Tre adoleshente dhunojnë për vdekje një 75-vjeçar në Britani, e filmuan sulmin me një telefon celular

Freddy Rivero ishte pranë një stacioni autobusi në Islington, në veri të Londrës, më 27 shkurt, kur adoleshentet zbritën nga një autobus dhe e rrethuan.

12 Qershor 2025, 19:58 Nga N.F
Tre adoleshente dhunojnë për vdekje një 75-vjeçar në
Pamje nga dhunimi

ANGLI- Tre vajza adoleshente rrëfyen vrasjen e një burri 75-vjeçar në Londër. Adoleshentet dhunuan brutalisht 75-vjeçarin teksa aktin e rëndë e kanë regjistruar në telefon. Freddy Rivero ishte pranë një stacioni autobusi në Islington, në veri të Londrës, më 27 shkurt, kur adoleshentet zbritën nga një autobus dhe e rrethuan.

Vajzat të moshës 15, 16 dhe 17 vjeç e shtynë, e shqelmuan dhe e goditën me grusht burrin e moshuar, ndërsa njëra prej tyre filmoi incidentin në telefonin e saj celular dhe i mori syzet. Si pjesë e hetimit, policia zbuloi pamjet e kamerave të sigurisë që regjistruan sulmin, të cilat tregojnë vajzën më të madhe duke e goditur viktimën në kokë, duke e bërë atë të rrëzohet prapa.

Policia u thirr në orën 23:25 pas raportimeve për një rrëmujë dhe e gjeti të moshuarin pa ndjenja në trotuar me një dëmtim të rëndë në kokë dhe pa puls. 75-vjeçari u dërgua në spital ku vdiq. Tre adoleshentet u paraqitën në gjykatë nëpërmjet video-thirrjes të enjten dhe pranuan fajësinë për vrasje të paqëllimshme. Gjykatësja Judy Hahn urdhëroi që tre vajzat të akuzohen dhe të mbahen në paraburgim deri në dënimin e tyre më 5 shtator.

vrasje ne londer

Sondazh

Poll

MË SHUMË