Aktualitet

E hëna në punë! Pushuesit largohen nga Shëngjini pas fundjavës relaksuese, trafik kilometrik nga Rana e Hedhun deri në Milot (FOTO)

Trafiku i rënduar vijon edhe përgjatë segmentit rrugor Shëngjin-Milot, duke krijuar vonesa dhe bllokime të herëpashershme për drejtuesit e mjeteve.

8 Qershor 2025, 20:15 Nga N.F
E hëna në punë! Pushuesit largohen nga Shëngjini pas
Kryqëzimi i Shëngjinit

LEZHË- E hëna sjell rikthimin e pushuesve në angazhimet e tyre të përditshme duke i larguar nga rehatia e shezlongëve dhe ujit të detit. Pasditja e sotme ka sjellë që në Shëngjin të ketë trafik të rënduar ku shumë pushues pas fundjavës relaksuese rikthehen në shtëpi për punë dhe për angazhimet e tjera të përditshme.

Dalja masive nga plazhi në orët e pasdites ka shkaktuar trafik të rënduar që nga zona e Ranës së Hedhun e deri te kryqëzimi hyrës i Shëngjinit. Trafiku i rënduar vijon edhe përgjatë segmentit rrugor Shëngjin-Milot, duke krijuar vonesa dhe bllokime të herëpashershme për drejtuesit e mjeteve.

Shumë pushues nga Kosova kanë vendosur të shijojnë festën e Kurban Bajramit pranë detit dhe kanë shfrytëzuar pushimin e festës dhe të fundjavës për të kaluar pak ditë pranë detit para se të marrin pushimet e verës. Kënaqësia për të qenë pranë detit shoqërohet me trafik të rënduar gjatë rrugës për të ikur në Shëngjin ku përkatësisht të premtën dhe të shtunën ka patur lëvizje të shtuar si dhe gjatë largimit për të shkuar në banesat e tyre në qytetet e tjera.

shengjin

Sondazh

Poll

MË SHUMË