Sport

Tronditje para udhëtimit për në Tiranë… Serbisë do të mungojë portieri tyre i parë!

Portieri i ekipit të parë, Predrag Rajković, do të operohet të martën e ardhshme në Finlandë.

2 Qershor 2025, 12:18 Nga DOSJA
Tronditje para udhëtimit për në Tiranë… Serbisë

SERBI - Predrag Rajković, portieri i parë i kombëtares serbe, do të humbasë ndeshjet kundër Shqipërisë dhe Andorrës. Më 7 qershor, Serbia viziton Tiranën në ndeshjen e saj të parë në kualifikueset e Kupës së Botës 2026, dhe tre ditë më vonë pret Andorrën.

Rajković, i cili mbron portën e Al Ittihad, kampionin e ri të Arabisë Saudite, duhet t'i nënshtrohet një operacioni. Siç është njoftuar nga klubi saudit, Rajković do t'i nënshtrohet një ndërhyrjeje kirurgjikale për shkak të dëmtimit në ijë të martën e ardhshme.

“Portieri i ekipit të parë, Predrag Rajković, do të operohet të martën e ardhshme në Turku të Finlandës. Ai do të kujdeset nga Profesor Laci Lempainen, një specialist në trajtimin e muskujve dhe tendinave.

Ai pësoi dëmtimin në ndeshjen gjysmëfinale të Kupës së Mbretit kundër Al Shabaab, dhe stafi mjekësor vendosi të ndjekë një qasje konservatore në fillim dhe të shohë se si do të sillet ai, duke e shtyrë operacionin deri në fund të sezonit.

“Gjithsesi afati kohor për rikuperim dhe programi i rehabilitimit do të përcaktohet në bashkëpunim me kirurgun dhe ekipin mjekësor të klubit”, tha Al Ittihad në një deklaratë.

B.T (Dosja.al)

Sondazh

Poll

MË SHUMË