Sport

Finalja e Champions-it, aty ku nuk i lihet asgjë rastësisë, trajnerët përzgjedhin gjuajtësit e penalltive!

Nëse 90 minutat dhe shtesat nuk mjaftojnë për të përcaktuar fituesin, atëherë fati i kupës mund të vendoset nga pika e bardhë e penalltive.

31 Maj 2025, 19:41 Nga DOSJA

Finalja e Champions-it, aty ku nuk i lihet asgjë rastësisë,

GJERMANI - Me finalen e Champions League mes Paris Saint-Germain dhe Interit që zhvillohet sot, gjithçka është gati për një përballje epike në ‘Allianz Arena’ të Mynihut. Por nëse 90 minutat dhe shtesat nuk mjaftojnë për të përcaktuar fituesin, atëherë fati i kupës mund të vendoset nga pika e bardhë e penalltive. Po kush janë futbollistët që mund të marrin përgjegjësinë për këtë moment vendimtar?

Për Interin:

Hakan Çalhanoglu – specialisti absolut i penalltive, pothuajse i sigurt si gjuajtësi i parë.
Kristjan Asllani – mund të futet enkas për të gjuajtur penallti, falë teknikës së tij të ftohtë.
Henrikh Mkhitaryan – me përvojën e tij, një opsion i besueshëm.
Mehdi Taremi – sulmuesi iranian ka përvojë dhe saktësi.
Lautaro Martinez – kapiteni mund të mbyllë serinë si gjuajtës i pestë.
Në listë për Interin përmenden edhe emra si Francesco Acerbi, Piotr Zielinski dhe Nicola Zalewski, të cilët gjithashtu mund të aktivizohen nëse ndeshja shkon drejt lotarisë së penalltive.

Për PSG-në:

Vitinha – mesfushori teknik, me goditje të saktë dhe të sigurt.
Gonçalo Ramos – mund të hyjë në pjesën e dytë ose shtesë, një alternativë për penallti.
Ousmane Dembélé – sulmuesi francez, i mësuar me momente tensioni.
Desire Doué – i ri, por me karakter të fortë dhe besim nga trajneri.
Khvicha Kvaratskhelia (Kvara) – me eksperiencë dhe personalitet, pritet të jetë mes zgjedhjeve kryesore.

Të dyja skuadrat kanë lojtarë teknikë dhe me përvojë në duelet e mëdha, por kur bëhet fjalë për penalltitë, gjithçka mund të vendoset nga një detaj i vogël, një fije nervi më shumë apo më pak. A do të kemi një finale që shkon deri te penalltitë? Nëse po, emocionet janë të garantuara.

B.T (Dosja.al)