Bota

Largimi i Musk nga administrata e Trump/ Presidenti: Ai do të jetë gjithmonë me ne! Është i mrekullueshëm

Trump tha se kjo do të jetë dita e tij e fundit në administratë, por jo realisht, sepse Musk do të jetë gjithmonë pranë tyre

30 Maj 2025, 15:32 Nga E. D
dLargimi i Musk nga administrata e Trump/ Presidenti: Ai do të
Elon Musk dhe Donald Trump

SHBA- Donald Trump do t’i japë lamtumirën këshilltarit të tij miliarder Elon Musk, në një konferencë të përbashkët për shtyp në Shtëpinë e Bardhë sot. Trump tha se kjo do të jetë dita e tij e fundit në administratë, por jo realisht, sepse Musk do të jetë gjithmonë pranë tyre. 

“Kjo do të jetë dita e tij e fundit, por jo realisht, sepse ai do të jetë gjithmonë me ne, duke na ndihmuar vazhdimisht. Elon është i mrekullueshëm. Do të të shoh nesër në Shtëpinë e Bardhë," shkroi Trump në platformën e tij, Truth Social. 

Të mërkurën, Musk njoftoi se mandati i tij si punonjës special qeveritar kishte mbaruar. Ky regjim pune është i kufizuar në 130 ditë sipas rregulloreve amerikane gjithsesi, por Musk kishte filluar të zvogëlonte punësimin e tij në javët e fundit.

Një muaj më parë, Musk tha se duke filluar nga maji, ai do të shpenzonte dukshëm më pak kohë duke punuar për të ulur koston e drejtimit të qeverisë dhe do ta drejtonte vëmendjen e tij te kompania e tij e makinave elektrike Tesla. 

Zëdhënësja e Trump, Caroline Levitt, tha më herët të enjten se ulja e kostos së funksionimit të qeverisë federale do të vazhdojë, duke shtuar se presidenti, kabineti i tij dhe ata që mbeten në Departamentin e Efikasitetit të Qeverisë (DOGE), i cili ishte pas shkurtimeve drastike të fuqisë punëtore federale, do të vazhdojnë të zvogëlojnë shpërdorimin qeveritar dhe të eliminojnë mashtrimin dhe abuzimin. 

Musk pretendoi se DOGE u kurseu taksapaguesve 160 miliardë dollarë, por analiza të ndryshme e kundërshtojnë këtë, duke theksuar se disa kursime u numëruan dy herë ose kishin ndodhur tashmë para DOGE. Gjatë fushatës zgjedhore të Trump, Musk, i cili ishte donatori më i madh me 250 milionë dollarë, tha se kjo do t’i kursente qeverisë 2 trilionë dollarë.

donald trump ekon musk

Sondazh

Poll