Bota

VIDEO/ Ambasadori palestinez shpërthen në lot gjatë fjalimit në OKB, qan për fëmijët në Gaza

Mansour përmendi gjithashtu rastin tronditës të Dr. Alaa al-Najjar, një mjeke palestineze që humbi nëntë nga dhjetë fëmijët e saj.

29 Maj 2025, 12:44 Nga E. D
VIDEO/ Ambasadori palestinez shpërthen në lot gjatë fjalimit
Riyad Mansou

GAZA- Ambasadori i Palestinës në Kombet e Bashkuara, Riyad Mansour, u përlot teksa iu drejtua dje Asamblesë së Përgjithshme, duke folur për gjendjen tragjike në Rripin e Gazës, veçanërisht për fëmijët që po vuajnë nga uria dhe dhuna.

"Dhjetëra fëmijë po vdesin nga uria. Pamjet e nënave që përqafojnë trupat e pajetë të fëmijëve të tyre, që i ledhatojnë flokët, u flasin dhe u kërkojnë falje… janë të padurueshme. Si mund ta përballojë dikush një gjë të tillë?” – tha ai mes lotësh. 

Ai shtoi me zë të dridhur: Më falni, z. President. Kam nipër e mbesa. E di çfarë përfaqësojnë ata për familjet e tyre. Të shohësh këtë katastrofë që po ndodh ndaj popullit palestinez, dhe të mos ndjesh zemrën të të dhembë, është përtej çdo ndjenje njerëzore të durimit.

Mansour përmendi gjithashtu rastin tronditës të Dr. Alaa al-Najjar, një mjeke palestineze që humbi nëntë nga dhjetë fëmijët e saj. Në kulmin e fjalimit, ambasadori nuk arriti ta përmbante më veten dhe shpërtheu në lot, duke ndërprerë përkohësisht deklaratën e tij.

 
 
 
 
 
View this post on Instagram
 
 
 
 
 
 
 
 
 
 
 

A post shared by NBC News (@nbcnews)

okb gaza

Sondazh

Poll

MË SHUMË