Bota

Tragjike në Londër/ Përfshihet nga flakët banesa, humbin jetën nëna dhe tre fëmijët! Vihet në pranga 41-vjeçari për zjarrvënie të qëllimshme

Sipas mediave të huaja Policia Metropolitane ka arrestuar një burrë 41-vjeçar, i cili është duke u hetuar për vrasje të dyshuar. Ngjarja ndodhi në orët e para të mëngjesit të së shtunës, kur zjarri përfshiu dy banesa në rrugën Tillett Close. Konkretisht një grua 43-vjeçare dhe tre fëmijë, një vajzë 15-vjeçare dhe dy djem të vegjël humbën jetën, ndërsa një grua 71-vjeçare e familjes u trajtua dhe u lirua nga spitali.

25 Maj 2025, 18:40 Nga E. D
Tragjike në Londër/ Përfshihet nga flakët banesa, humbin
foto ilustruese

LONDËR- Një ngjarje e rëndë ka ndodhur në Londër ditën e sotme. Mësohet se një zjarr i përmasave të mëdha në zonën Stonebridge të Brent-it ka tronditur komunitetin lokal në veri-perëndim të Londrës, ku një familje me origjinë pakistaneze ka humbur katër anëtarë, ndërsa një vajzë 13-vjeçare ndodhet në gjendje kritike në spital.

Sipas mediave të huaja Policia Metropolitane ka arrestuar një burrë 41-vjeçar, i cili është duke u hetuar për vrasje të dyshuar. Ngjarja ndodhi në orët e para të mëngjesit të së shtunës, kur zjarri përfshiu dy banesa në rrugën Tillett Close. Konkretisht një grua 43-vjeçare dhe tre fëmijë, një vajzë 15-vjeçare dhe dy djem të vegjël humbën jetën, ndërsa një grua 71-vjeçare e familjes u trajtua dhe u lirua nga spitali.

Fqinjët dhe banorët e zonës reaguan me trishtim dhe solidaritet, duke vendosur trëndafila dhe lodra pranë banesës së djegur për të nderuar viktimat dhe për të mbështetur familjen në këto momente të vështira. Shërbimi i Zjarrfikësve theksoi sfidat në shpëtimin e anëtarëve të familjes, ndërsa policia vijon hetimet për të zbardhur shkakun e zjarrit dhe për të sqaruar rrethanat e arrestimit të 41-vjeçarit.

londer zjarre

Sondazh

Poll

MË SHUMË