Aktualitet

Denoncimi për krimes zgjedhore në një lokal në Peqin, Policia gjen 10 fletë të ngjashme me ato të votimit dhe një listë emërore të zgjedhësve

Gjithashtu Policia bën me dijes e gjatë kontrollit në banesën e Dervish Beqirit janë gjetur një pushkë e vjetër trofe dhe një pistoletë zhurmuese (sportive).

23 Maj 2025, 20:28 Nga M.B
Denoncimi për krimes zgjedhore në një lokal në Peqin,
Foto ilustruese

PEQIN- Pas denoncimit për krime zgjedhore n një lokal në fshatin Pekisht, në Peqin, Policia ka njoftuar se ka gjetur dhe sekuestruar 10 fletë të ngjashme me fletët e votimit, të paplotësuara, të dyshuara të falsifikuara, si dhe një listë emërore e zgjedhësve. Në njoftim thuhet se është sekuestruar dhe portofoli i pronari të lokalit, Dervish Beqirit, me 280 000 lekë. Gjithashtu Policia bën me dijes e gjatë kontrollit në banesën e Dervish Beqirit janë gjetur një pushkë e vjetër trofe dhe një pistoletë zhurmuese (sportive).

Njoftimi i policisë:

Specialistët për Hetimin e Krimeve të Komisariatit të Policisë Peqin, pas njoftimit të marrë më datë 22.05.2025, se në një lokal në fshatin Pekisht, ishin gjetur disa materiale të dyshuara zgjedhore, kanë shkuar menjëherë në adresën e dhënë, me qëllim verifikimin e rastit.

Gjatë veprimeve të kryera në vendngjarje, në bashkëpunim me Prokurorinë e Elbasanit, në lokalin e shtetasit Dervish Beqiri, janë gjetur dhe sekuestruar 10 fletë të ngjashme me fletët e votimit, të paplotësuara, të dyshuara të falsifikuara, si dhe një listë emërore e zgjedhësve. Gjithashtu, është sekuestruar portofoli i shtetasit D. B., me 280 000 lekë. Më tej, gjatë kontrollit në banesën e shtetasit Dervish Beqiri janë gjetur një pushkë e vjetër trofe dhe një pistoletë zhurmuese (sportive).

Në vijim të veprimeve për rastin, specialistët për Hetimin e Krimeve të Komisariatit të Policisë Peqin referuan materialet procedurale në Prokurori, ku nisi procedimi penal për shtetasin Dervish Beqiri, për veprat penale “Falsifikimi i materialit zgjedhor dhe rezultateve të zgjedhjeve” dhe “Prodhimi dhe mbajtja pa leje e armëve të gjuetisë dhe sportive”. Materialet procedurale iu referuan Prokurorisë, për veprime të mëtejshme hetimore.

peqin

Sondazh

Poll

MË SHUMË