Bota

U vranë me armë zjarri në SHBA, ministria e Jashtme e Izraelit publikon fotot dhe emrat e dy punonjësve të ambasadës izraelite

Ata ishin çift, sipas ambasadorit të Izraelit në SHBA, i cili tha se i riu kishte blerë një unazë këtë javë dhe planifikonte t’i propozonte martesë javën tjetër në Jerusalem.

22 Maj 2025, 13:59 Nga r.ll
U vranë me armë zjarri në SHBA, ministria e Jashtme e Izraelit
viktimat

SHBA- Dy punonjësit e ambasadës izraelite në SHBA, të cilët u vranë nga të shtënat me armë në Uashington DC janë identifikuar nga ministria e jashtme izraelite si Yaron Lischinsky dhe Sarah Lynn Milgrim. Ata ishin çift, sipas ambasadorit të Izraelit në SHBA, i cili tha se i riu kishte blerë një unazë këtë javë dhe planifikonte t’i propozonte martesë javën tjetër në Jerusalem.

Dyshja kishte qenë në një aktivitet të organizuar nga Komiteti Amerikan Hebraik në Muzeun Hebraik të Kryeqytetit. U përshkrua si një mbrëmje kokteji për profesionistët e rinj hebrenj dhe e hapur për komunitetin diplomatik të Uashingtonit. Organizatori thotë se aktiviteti kishte për qëllim të ndihmonte njerëzit në Gaza. Ata u qëlluan për vdekje rreth orës 21:05 sipas orës lokale, ndërsa po largoheshin nga eventi.

Ambasadat izraelite në mbarë botën kanë ulur flamujt e tyre në gjysmështizë në kujtim të viktimave. Kjo vjen pas një njoftimi nga Ministri i Jashtëm Izraelit, Gideon Sa'ar. Ai ka thënë se të shtënat janë rezultat i "nxitjes toksike antisemite kundër Izraelit dhe hebrenjve në mbarë botën" që nga sulmi i Hamasit ndaj Izraelit më 7 tetor 2023.

 

vrasje ne shba

Sondazh

Poll

MË SHUMË