Aktualitet

Dy makina, trailer dhe kuotat si ortak në kompani/ GJKKO konfiskon disa pasuri të Indrit Veizit dhe liron nga sekuestro 4 të tjera

Janë konfiskuar tashmë tre automjete të tonazheve të ndryshme dhe aksionet në dy kompani, teksa u liruan nga sekuestro dy apartamente, një tokë arë dhe një automjet, nëpërmjet revokimit të masës.

21 Maj 2025, 17:56 Nga M.L
Dy makina, trailer dhe kuotat si ortak në kompani/ GJKKO konfiskon disa
Foto ilustruese

TIRANA- Gjykata e Posaçme me kërkesë të SPAK vendosi sot konfiskimin dhe kalimin në favor të shtetit të disa pasurive të Indrit Veizit dhe gjashtë familjarëve dhe të afërmve të tij, ndërsa rrëzoi kërkesën e SPAK për katër pasuri të tjera. Janë konfiskuar tashmë tre automjete të tonazheve të ndryshme dhe aksionet në dy kompani, teksa u liruan nga sekuestro dy apartamente, një tokë arë dhe një automjet, nëpërmjet revokimit të masës.

Vendimi u mor sot nga gjyqtarja Flojera Davidhi, pas kërkesës së depozituar nga SPAK, se këto nëntë pasuri dhe asete vinin nga aktivitete kriminale të Veizit në fushën e krimit të organizuar, trafikut, korrupsionit dhe krimeve të tjera, me burime të paligjshme.

U konfiskuan pasuritë:

-Automjetit autobus, i markës Volvo, me ngjyrë të zezë, i vitit të prodhimit 1998 në emër të Indrit Vezi
-Automjetit autoveturë, i markës Mercedes Benz S300, me ngjyrë të zezë, i vitit të prodhimit 1998, në emër të Indrit Vezi
-Trailer, me Kontratë shitblerje, me palë blerëse D.V, në emër të Shoqërisë DYLAVER VEZI Shpk me NIPT Nr. L2114503K, për blerje automjeti e llojit gjysmë rimorkio e markes KRONE SD K, me vlerë transaksioni 11.000,00 Euro.
-Kuotat si ortak në shoqërinë “TRANS KOMOD” Sh.p.k me numër NUIS (Nipti) L62420503D.
-Firmën si person fizik DYLAVER VEZI me numër NIPTI L62114503K dhe ushtrim aktivitetit Durres, Lagjia nr.14 Shkozet se bashku me asetet e kesaj kompanie

U revokua sekuestro për pasuritë:

-Pasuri Apartament, me sipërfaqe prej 103 m2 e Indrit Vezi, në Tiranë
-Pasuri Apartament, me sipërfaqe prej 51 m2 e D.V dhe E.V, ku vlera e pasurisë fillestare është 34.000 Euro.
-Pasuri Arë, me sipërfaqe prej 1809 m2 në pronësi të shtetasit S.V.
-Automjetit autoveturë, i markës Daimler Benz, me ngjyrë blu, i vitit të prodhimit 1997, në emër të Indrit Vezi, pasi rezulton të jetë e shtetasit K.R.

Dy makina, trailer dhe kuotat si ortak në kompani/ GJKKO konfiskon disa

Dy makina, trailer dhe kuotat si ortak në kompani/ GJKKO konfiskon disa

indrit veizi

Sondazh

Poll

MË SHUMË