Sport

“Lërini rehat me turpin e tyre”: Ultrasit e Milanit në protestë në ndeshjen e fundit…

Skuadra e drejtuar nga Sérgio Conceição nuk arriti të kualifikohej në garat evropiane

21 Maj 2025, 14:07 Nga DOSJA
“Lërini rehat me turpin e tyre”: Ultrasit e Milanit në

ITALI - Pas një sezoni në të cilin skuadra kuqezi dështoi të siguronte kualifikimin në Evropë, ultrasit e Milanit po planifikojnë të organizojnë një protestë të shtunën e ardhshme në ndeshjen e fundit të Serie A të sezonit, në shtëpi kundër Monzës.

Sipas një deklarate nga 'Milan Curva Sud', të publikuar nga 'Calciomercato', tifozët planifikojnë të mblidhen rreth tre orë para fillimit të ndeshjes në selinë e klubit dhe më pas të vazhdojnë protestën brenda stadiumit.

“Nga Milano do të shkojmë në stadium, ku do të jemi për 15 minutat e para, duke i bërë zërat tanë të dëgjohen në San Siro. Pastaj do t’i braktisim ata (lojtarët, trajnerët dhe drejtorët), duke i lënë vetëm me turpin e tyre”, shtuan tifozët, duke theksuar se gjithçka do të bëhet “me mirësjelljen dhe respektin” që gjithmonë e ka dalluar ‘Milan Curva Sud’. 

Duhet të mbahet mend se ultrasit e Milanit kanë qenë shumë kritikë ndaj menaxhmentit, duke kërkuar në disa raste që klubi të shitet.

Ekipi kuqezi, i udhëhequr nga Sérgio Conceição, i thotë lamtumirë sezonit 2024/25 këtë fundjavë, pasi ka fituar vetëm Superkupën. Ata humbën finalen e Kupës së Italisë dhe janë të 9-tët në kampionat, duke dështuar të kualifikohen për garat evropiane. 

B.T (Dosja.al)

Sondazh

Poll

MË SHUMË