Sport

Jude Bellingham pas Kupës së Botës do të operohet, rrezikon 3 muaj ndërprerje...

Lojtari dhe stafi mjekësor i Real Madridit kanë rënë dakord që operacioni do të caktohet pas përfundimit të Kupës së Botës për Klube

21 Maj 2025, 11:30 Nga DOSJA

Jude Bellingham pas Kupës së Botës do të operohet, rrezikon

SPANJE - Problemet me shpatullën e asit të Real Madridit, Jude Bellingham, vazhdojnë, një gjendje që e ka munduar anglezin për gati një vit e gjysmë.

Gjatë kësaj periudhe, për shkak të pjesëmarrjes së tij në Kampionatin e fundit Evropian dhe urgjencës për t'u vënë menjëherë në dispozicion të klubit në prag të sezonit të ri plot angazhime në të gjitha frontet, nuk ishte e mundur të gjendej koha e nevojshme për pushim të mjaftueshëm dhe për trajtimin specifik të dëmtimit.

Megjithatë, në mendjet e mjekëve të klubit të Madridit, nuk kishte kurrë dyshim se do të ishte e nevojshme të drejtoheshin në ndërhyrje kirurgjikale, herët a vonë, por çështja thjesht u shty për aq kohë sa të ishte e mundur.

Dhe ja ku jemi sot: sipas informacionit që del nga Spanja, në veçanti nga gazeta. Sport, është marrë një vendim përfundimtar. Lojtari dhe stafi mjekësor i Real Madridit kanë rënë dakord që operacioni do të caktohet pas përfundimit të Kupës së Botës për Klube, një turne që fillon më 15 qershor dhe, në skenarin më të mirë, do të përfundojë më 13 korrik për ata që arrijnë në finale.

Pas operacionit, do të jetë thelbësore një periudhë rikuperimi e vlerësuar prej afërsisht tre muajsh. Si pasojë, rikthimi i tij në fushë dhe rifillimi i plotë i aktiviteteve sportive pritet për fillimin e sezonit të vjeshtës. Menaxhimi i dëmtimit ka hyrë në një fazë zgjidhjeje, me një rrugë të përcaktuar për rikuperimin e plotë të lojtarit.

B.T (Dosja.al)