Politike

"Do të mbroj votën, por kurrë me kallashnikov!" Berisha: Mora në fushatë LaCivita, kam bërë gjithçka! Rama rrëzohen vetëm me lëvizje popullore

Berisha tha se ka deklaruar se do të mbrojë votën, por kurrë me kallashnikov.

20 Maj 2025, 21:21 Nga M.B
"Do të mbroj votën, por kurrë me kallashnikov!"
Sali Berisha

TIRANA- Kreu i Partisë Demokratike Sali Berisha deklaroi sot se ka bërë gjithçka në këtë fushatë duke theksuar se mori se strategun amerikan Chris LaCivita. Në një intervistë në emisionin “LOG” Berisha tha se ka deklaruar se do të mbrojë votën, por kurrë me kallashnikov. Ai tha gjithashtu se kryeministri Edi Rama rrëzohen vetëm me lëvizje popullore.

"Nëse marrim këtë rezolutë, kjo flet për blerje vote përmes pagesave për pensione, blerje vote me punësime, pra zbërthen të gjitha aspektet e terrenit vetëm 10 ditë para zgjedhjeve. Këtu ka firmosur partia e Merz dhe 82 parti të tjera evropiane. Kam punuar në këtë fushatë në mënyrën më profesionale e të përkushtuar të jetës time.

Kurrë më parë skam bërë një të tillë. Kam paraqitur një program të konsultuar me dy fondacione të huaja të specializuara. Kam marrë në këtë fushatë kryestrategun e botës, Chris LaCivita, kam bërë gjithçka për të qenë totalisht i përkushtuar për të mos thënë që nuk ka zgjedhje me Edi Ramën. Unë kam thënë se do të mbroj votën por kurrë me kallashnikov. Edi Rama nuk ikën nga ndërkombëtarët pasi diktatorët rrëzohen vetëm me lëvizje popullore", tha Berisha. 

sali berisha

Sondazh

Poll

MË SHUMË