Sport

VIDEO/ Villarreal mposht Barçën kampione dhe siguron një vend në Champions League. Fitojnë edhe Reali dhe Atletico...

‘Nëndetësja e Verdhë’ përmbys kampionët e Spanjës me rezultatin 3-2. Mbappé dhe Julian Alvarez shënojnë për dy skuadrat e Madridit…

18 Maj 2025, 21:51 Nga DOSJA

SPANJE - Pasi sapo ishte rikthyer si kampione e Spanjës, Barcelona u mposht 3-2 në një ndeshje në Montjuïc nga Villarreal në javën e 37-të të La Ligas. ‘Nëndetësja e Verdhë’ fitoi kështu një vend në Ligën e Kampionëve të sezonit të ardhshëm. Buchanan (i huazuar nga Interi) ishte vendimtar. 

Tre ditë pasi u bënë përsëri kampionë të Spanjës, Barcelona e Hansi Flick doli në fushë në Montjuïc për të festuar fitoren e La Ligas para tifozëve të tyre vendas. Ndeshja nuk filloi mirë për Blaugranët, pasi Villarreal mori epërsinë 1-0 pas vetëm katër minutash me Ayoze Perez.

Megjithatë, Lamine Yamal i zakonshëm barazoi rezultatin për Barçën në minutën e 38-të, me një tjetër kryevepër të sezonit të tij: një shkëmbim topi me Eric Garcia në skaj të zonës dhe një gjuajtje me të majtën drejt shtyllës së largët, e cila tani është bërë një ‘markë tregtare’ për talentin spanjoll.

VIDEO/ Villarreal mposht Barçën kampione dhe siguron një vend

Yamal më pas goditi traversën në kohën shtesë të pjesës së parë, pak çaste para golit 2-1 të Fermin Lopez: dy lojtarët që shënuan fitoren vendimtare kundër Espanyol në raundin e fundit të Ligës shënuan përsëri.

Megjithatë, Villarreali nuk u dekurajua dhe barazoi në minutën e 50-të me Comesanën, duke marrë më pas epërsinë 3-2 në minutën e 80-të me Buchanan (i huazuar nga Interi). Është goli që vendos ndeshjen dhe që e çon Villarrealin në Ligën e Kampionëve: 67 pikët e ‘Nëndetëses së Verdhë’ nuk mund të arrihen më nga Betis. Nga ana tjetër, Barcelona mbetet në 85 pikë.

Në ndeshjet e tjera Real Madridi mundi Sevillan (me nëntë lojtarë) 2-0, ndërsa dy golat e Julian Alvarezit e çuan Atletico Madridin në një fitore 4-1 ndaj Betisit. Gara për Evropën dhe Ligën e Konferencës mbetet e hapur.

B.T (Dosja.al)

Sondazh

Poll

MË SHUMË