Sport

Kapiteni i Spurs 'viktimë' e një shantazhi!... 20-vjeçarja pretendon se është shtatzënë, dhe kërkon para në këmbim të heshtjes

Kapiteni i Tottenhamit ka pretenduar se dy nga bashkatdhetarët e tij, një grua dhe një burrë, u përpoqën t’i zhvatnin miliona dollarë, me pretendimin e rremë se ai e kishte lënë shtatzënë vajzën…

16 Maj 2025, 17:59 Nga DOSJA
Kapiteni i Spurs 'viktimë' e një shantazhi!...

ANGLI - Ndërsa Tottenhami përgatitet të luajë ndeshjen më të rëndësishme në historinë e tij moderne (pas finales së Ligës së Kampionëve 2019 në Madrid), mediat koreane kanë zbuluar një histori të çuditshme me protagonist Heung-Min Son.

Kapiteni i londinezëve, i cili ka pasur probleme me dëmtimet në javët e fundit, por gjithçka tregon se ai do të luajë të mërkurën e ardhshme (21/5) në finalen e Europa League kundër United, është ankuar se ka qenë viktimë e shantazhit nga një grua, që pretendoi në mënyrë të rreme se ishte shtatzënë.

Sipas agjencisë së lajmeve Yonhap dhe The Korea Times, Son tha në ankesën e tij, se një grua 20-vjeçare dhe një burrë 40-vjeçar iu afruan, duke pretenduar se e kishte lënë shtatzënë dhe duke i kërkuar një shumë të madhe parash.

Siç theksojnë avokatët e futbollistit, e reja pretendoi se kishte mbetur shtatzënë në qershor të vitit 2024, pasi ishte takuar me futbollistin dhe I kërkoi para për ta mbajtur çështjen sekret.

Pas ankesës, autoritetet e Koresë së Jugut hapën një dosje, me të cilën e gjithë çështja mori përmasa të mëdha, pasi Son, nga njëra anë, është një hero kombëtar dhe nga ana tjetër, ai njihet për ndjekjen verbërisht të udhëzimeve të babait të tij edhe në çështjet më personale.

Një nga vijat e kuqe që i ka vendosur babai është se nuk do të ketë familje, ndërsa luan si profesionist, diçka që e ka pranuar publikisht në vitin 2019.

"Babai im thotë, dhe unë pajtohem, që kur të martohesh, përparësia do të jetë familja, gruaja dhe fëmijët - dhe pastaj futbolli. Dua që për sa kohë të luaj në nivelin më të lartë, futbolli të jetë përparësia ime numër një. Nuk e di se sa gjatë mund të luash në një nivel të lartë.

"Kur të dalësh në pension, në moshën 33 ose 34 vjeç, ke ende shumë vite jetë me familjen tënde", ishin fjalët e tij, ndërsa në të kaluarën mediat në vendin e tij e kanë lidhur atë me këngëtarët Bang Min Ah dhe Yoo So Young.

B.T (Dosja.al)

Sondazh

Poll

MË SHUMË