Politike

"Në disa shtete të tjera ka pasur zarfe që nuk kanë mbërritur në destinacion," Balla: Në Greqi ka pasur një vonesë se përkoi me festën e Pashkës!

Edhe për pretendimet se zarfet me fletët e votimit janë parë në pika bastesh, Balla replikoi duke thënë se ka parë edhe përfaqësues të PD-së që postonin zarfe pafund.

15 Maj 2025, 22:38 Nga N.F
"Në disa shtete të tjera ka pasur zarfe që nuk kanë
Balla

TIRANË- Drejtuesi politik i Partisë Socialiste për diasporën, Taulant Balla mbrëmjen e sotme ka sqaruar se çfarë ka ndodhur me komapninë DHL e cila është marrë me zarfet e votimit për emigrantët në Greqi. Balla në një lidhje për emisionin ‘Opinion’, u shpreh se kjo situatë nuk ishte e pranishme vetëm në shtetin grek, por edhe në shtete të tjera, ku qytetarët shkuan dhe e tërhoqën zarfin me fletën e votimit në pikën e DHL-së.

“Ajo që besoj KQZ-ja e ka raportuar është se jo vetëm në Greqi, por edhe në disa shtete të tjera ka pasur zarfe që nuk kanë mbërritur në destinacion, ky është fenomen që ka ndodhur edhe në vende të tjera. Një pjesë e qytetarëve pas 3 thirrjeve nga ana e DHL-së për t’i gjetur në banesë, kanë shkuar e kanë tërhequr zarfin në një prej pikave të DHL-së”, iu përgjigj Balla.

Edhe për pretendimet se zarfet me fletët e votimit janë parë në pika bastesh, Balla replikoi duke thënë se ka parë edhe përfaqësues të PD-së që postonin zarfe pafund. Ai theksoi se nuk mbron DHL-në teksa shtoi se edhe ai ka ankesat e tij.

“Unë kam parë edhe përfaqësues të PD-së që postonin zarfe pafund. Në Greqi, ka pasur një vonesë në shpërndarje sepse momenti përkoi me festën e Pashkës. Kompania globale DHL vepron edhe me posta të tjera partnere. Këto janë detyrë e brendshme, unë s’jam këtu për të mbrojtur DHL-në se kam edhe unë ankesat e mia,” tha ai.

balla

Sondazh

Poll