Sport

Lunin, tërheqja e minutës së fundit te Reali

Ai pëson një mavijosje në dorën e djathtë

14 Maj 2025, 14:30 Nga DOSJA
Lunin, tërheqja e minutës së fundit te Reali

SPANJE - Një tjetër humbje për Real Madridin. Tani është Lunin, i cili është jashtë fushave për shkak të një dëmtimi në dorën e djathtë, që pësoi në stërvitjen e djeshme. Fran González zë vendin e tij, duke e çuar në nëntë numrin e lojtarëve të rinj në listën e skuadrës për ndeshjen kundër Mallorcas. 

Skuadra u thirr dje për shkak të mungesave të shumta të Carlo Ancelottit. Rüdiger, Carvajal, Mendy, Lucas Vázquez, Militao, Camavinga, Vinicius, Alaba dhe Rodrygo, ishin jashtë për shkak të problemeve fizike.

Për më tepër, Tchouaméni nuk ishte në gjendje të luante për shkak të kartonit të verdhë që mori kundër Barcelonës, i cili sjell pezullim. Dhe tani, Lunin… 

Portieri ukrainas nuk duhej të luante kundër Mallorcas, por mungesa e tij ia shton më shumë dramë situatës së të bardhëve.

Sergio Mestre (portier), Fran González (portier), Yusi (mbrojtës i majtë), Jacobo (qendërmbrojtës), David Jiménez (mbrojtës i djathtë), Mario Rivas (qendërmbrojtës), Chema (mesfushor qendre), Gonzalo García (sulmues) dhe Víctor Muñoz (sulmues) janë lojtarët e ekipit të të rinjve të thirrur nga Carletto për ndeshjen e tij të parafundit në Santiago Bernabéu. 

Problemi për Ancelottin është se perspektiva nuk duket se do të përmirësohet shumë për dy ndeshjet e mbetura, kundër Sevillas dhe Real Sociedadit. Madridi ka lojtarë të besueshëm nga mesfusha e tutje, por pothuajse të gjitha humbjet e tij janë të përqendruara në mbrojtje. Lunin është i fundit tani.  

Pra, lista e atyre që janë thirrur për ndeshjen ndaj Mallorcas:

Portierë: Courtois, Fran González dhe Sergio Mestre.

Mbrojtës: Vallejo, Fran García, Asencio, Youssef, Jacobo, David Jiménez dhe Mario Rivas.

Mesfushorë: Bellingham, Valverde, Modric, Arda Güler, Ceballos dhe Chema.

Sulmuesë: Mbappé, Endrick, Brahim, Gonzalo dhe Víctor Muñoz.

B.T (Dosja.al)

 

Sondazh

Poll

MË SHUMË