Bota

Trump mbërrin në Arabinë Saudite/ Presidenti fillon një turne në Lindjen e Mesme që synon marrëveshjet e mbrojtjes dhe triliona investime

I shoqëruar nga liderë të fuqishëm biznesi, përfshirë drejtorin ekzekutiv dhe partnerin e Teslës, Elon Musk, Trump viziton së pari Riadin, ku po zhvillohet Forumi i Investimeve SHBA-Arabia Saudite, dhe nesër, të mërkurën, ai do të udhëtojë për në Katar dhe të enjten për në Emiratet e Bashkuara Arabe.

13 Maj 2025, 10:21 Nga M.L
Trump mbërrin në Arabinë Saudite/ Presidenti fillon një
Foto ilustruese

ARABIA SAUDITE- Presidenti i SHBA-së, Donald Trump, ka mbërritur në Arabinë Saudite, ndalesa e parë e një turneu katër-ditor në rajonin e Gjirit, i cili do të përqendrohet më shumë në marrëveshjet ekonomike sesa në krizat e sigurisë që kanë prekur rajonin, nga lufta në Gaza deri te kërcënimi i përshkallëzimit të programit bërthamor të Iranit.

I shoqëruar nga liderë të fuqishëm biznesi, përfshirë drejtorin ekzekutiv dhe partnerin e Teslës, Elon Musk, Trump viziton së pari Riadin, ku po zhvillohet Forumi i Investimeve SHBA-Arabia Saudite, dhe nesër, të mërkurën, ai do të udhëtojë për në Katar dhe të enjten për në Emiratet e Bashkuara Arabe.

Presidenti amerikan ka thënë gjithashtu se ka të ngjarë të vizitojë Turqinë të enjten, ku presidenti rus Vladimir Putin  dhe homologu i tij ukrainas Volodymyr Zelensky mund të takohen. Vizita e dytë e Trump jashtë vendit që nga marrja e detyrës për herë të dytë, e para ishte kur ai shkoi në Romë për funeralin e Papa Françeskut, vjen në një kohë tensionesh gjeopolitike.

Përveç presionit për t'i dhënë fund luftës në Ukrainë, administrata Trump po shtyn përpara një mekanizëm të ri ndihme për Gazën e shkatërruar nga lufta dhe po i bën thirrje kryeministrit izraelit Benjamin Netanyahu  të bjerë dakord për një armëpushim në rajon.

Gjatë fundjavës, negociatorët amerikanë dhe iranianë u takuan në Oman për të diskutuar një marrëveshje të mundshme mbi programin bërthamor të Teheranit. Trump ka kërcënuar me veprime ushtarake kundër Iranit nëse diplomacia dështon.

Por, përveç vizitës së tij të mundshme në Turqi, këto çështje nuk janë në qendër të turneut të Trump në Lindjen e Mesme , siç është planifikuar aktualisht. SHBA-të, Arabia Saudite, Katari dhe Emiratet e Bashkuara Arabe pritet të njoftojnë investime potencialisht në triliona dollarë.

donald trump

Sondazh

Poll

MË SHUMË