Bota

60-vjetori i marrëdhënieve diplomatike mes shteteve/ Takohet presidenti izraelit dhe presidenti gjerman: Dhuratë që nuk mund ta prisnim

Nga ana e tij, Presidenti Federal Frank-Walter Steinmeier e përshkroi vendosjen e marrëdhënieve diplomatike me Izraelin në vitin 1965 si "një dhuratë që nuk mund ta prisnim", por gjithashtu bëri thirrje që ndihma humanitare të lejohej të hynte në Rripin e Gazës.

12 Maj 2025, 22:58 Nga M.L
60-vjetori i marrëdhënieve diplomatike mes shteteve/ Takohet
Foto ilustruese

GJERMANI- "Krenar" për aleancën me Gjermaninë, tha presidenti izraelit Isaac Herzog, i cili ndodhet sot në Berlin me rastin e 60-vjetorit të marrëdhënieve diplomatike midis Gjermanisë dhe Izraelit. Nga ana e tij, Presidenti Federal Frank-Walter Steinmeier e përshkroi vendosjen e marrëdhënieve diplomatike me Izraelin në vitin 1965 si "një dhuratë që nuk mund ta prisnim", por gjithashtu bëri thirrje që ndihma humanitare të lejohej të hynte në Rripin e Gazës.

"Për ne gjermanët, kjo ishte një dhuratë që nuk mund ta prisnim pas shkatërrimeve të Luftës së Dytë Botërore dhe Holokaustit. Themelet e marrëdhënies janë të thella dhe të forta. Ato mbajnë brenda tyre kujtimin e së kaluarës, si dhe vlerat e përbashkëta të dy demokracive liberale dhe kushtetuese", tha Steinmeier gjatë një konference të përbashkët për shtyp me homologun e tij izraelit dhe theksoi se "historia absolutisht e pabesueshme e pajtimit gjermano-izraelit mund të jetë një rreze shprese, se paqja dhe pajtimi janë të mundur".

Me marrëveshjen e Kancelarit Ludwig Erhard dhe Kryeministrit Izraelit Levi Eshkol më 12 maj 1965, u përfundua afrimi gradual midis dy shteteve, marrëdhëniet e të cilave kishin qenë jashtëzakonisht të tensionuara. Që atëherë, Gjermania dhe Izraeli kanë krijuar një rrjet të ngushtë marrëdhëniesh politike, ekonomike, ushtarake, shkencore dhe kulturore, të cilat plotësohen nga shkëmbime rinore dhe më shumë se 100 partneritete binjakëzimi qytetesh, më i fundit prej të cilëve është ai midis Berlinit dhe Tel Avivit. Gjermania është sot partneri i dytë strategjik më i rëndësishëm i Izraelit pas Shteteve të Bashkuara.

"Herzog i përshkroi fjalët dhe veprimet e Steinmeier si "një shembull dhe model i qartësisë morale për aleancën e guximshme midis vendeve dhe popujve tanë. Kjo është ajo që bëjnë miqtë e vërtetë", tha presidenti izraelit, duke shprehur krenarinë e tij për "miqësinë e thellë dhe kontributin gjerman në sigurinë dhe prosperitetin e Izraelit".

Frank-Walter Steinmeier i bëri thirrje përsëri Izraelit që të lehtësojë menjëherë shpërndarjen e ndihmës humanitare në Rripin e Gazës.

"Bllokada ndaj ndihmës humanitare duhet të hiqet, jo në një moment në të ardhmen, por tani", theksoi ai, ndërsa pranoi "dilemën" e shkaktuar nga Hamasi, duke u fshehur në mënyrë frikacake pas civilëve, ndërkohë që vazhdon të qëllojë me raketa drejt Izraelit. Por kam frikë gjithashtu se vuajtjet që përjeton populli i Gazës po e thellojnë hendekun edhe më shumë", shtoi presidenti gjerman dhe u bëri thirrje si Izraelit ashtu edhe vendeve fqinje që të shqyrtojnë mundësinë e një zgjidhjeje paqësore të konfliktit.

Nesër të dy presidentët do të udhëtojnë së bashku në Izrael, me Frank-Walter Steinmeier që do t'i përgjigjet vizitës së homologut të tij.

isaac herzog

Sondazh

Poll

MË SHUMË