Aktualitet

Tentoi të futej me forcë në një qendër numërimi, shpallet në kërkim 18-vjeçari në Kukës, një tjetër procedohet pasi fotografoi votën

Ai është përplasur me policinë të cilë nuk e lejuan që të futet brenda ambienteve të qendrës së numërimit.

12 Maj 2025, 10:57 Nga N.F
Tentoi të futej me forcë në një qendër numërimi,
Policia

KUKËS- Një 18-vjeçar është shpallur në kërkim nga policia e Kukësit pasi gjatë natës  tentuar të hyjë me forcë në VNV nr. 11. Ai është përplasur me policinë të cilë nuk e lejuan që të futet brenda ambienteve të qendrës së numërimit.

Policia gjithashtu ka proceduar penalisht një 19-vjeçar pasi ai ka publikuar në rrjete sociale, fotografi të fletës së tij të votimit. I riu akuzohet për veprën penale “Shkelja e fshehtësisë së votimit”.

Njoftimi i policisë:

DVP Kukës/ Specialistët për Hetimin e Krimeve të Komisariatit të Policisë Tropojë referuan materialet në Prokurori, ku nisi procedimi në gjendje të lirë për shtetasin S. B., 19 vjeç, banues në fshatin Shoshaj, për veprën penale “Shkelja e fshehtësisë së votimit”, pasi ka publikuar në rrjete sociale, fotografi të fletës së tij të votimit.

Specialistët për Hetimin e Krimeve të Komisariatit të Policisë Kukës referuan materialet në Prokurori dhe shpallën në kërkim shtetasin O. Sh., 18 vjeç, banues në Kukës, për veprën penale “Kundërshtimi i punonjësit të policisë së rendit publik”, pasi gjatë natës, ka tentuar të hyjë me forcë në VNV nr. 11 dhe ka kundërshtuar punonjësit e Policisë që nuk e kanë lejuar të hyjë. Materialet procedurale i kaluan Prokurorisë, për veprime të mëtejshme.

kukes policia

Sondazh

Poll

MË SHUMË