Sport

“Giro d’Italia” në edicionin e 108-të, starton nga Shqipëria…

Nga data 9 deri në 11 maj do të zhvillohen tri etapat e para të të këtij eventi ndër më të rendësishmit në çiklizmin europian dhe atë botëror, i cili pas afro 3.300 do të përfundojë në Romë…

7 Maj 2025, 21:00 Nga DOSJA

TIRANE - Mbrëmjen e së mërkurës startoi me prezantimin e ekipeve pjesëmarrëse edicioni i 108-të i “Giro d'Italia”. 23 skuadra me 194 sportistë u prezantuan në “Sheshin Skënderbej”. Për të 15-tën herë në histori “Giro d'Italia” starton nga një shtet tjetër, që në këtë edicion është Shqipëria, ku do të zhvillohen 3 etapat e para.

Starton gjithçka më 9 maj nga qyteti i Durrësit, për të vazhduar më pas në një etapë kronometrike në qytetin e Tiranës më datën 10 maj.

“Giro d’Italia” në edicionin e 108-të, starton nga

Gjithçka do të mbyllet me etapën e tretë në qytetin e Vlorës më 11 maj, në një nga etapat më të vështira të këtij edicioni, e konsideruar nga specialistët e çiklizmit për shkak të terrenit malor, pasi do të kalojë nga Llogaraja dhe në pjesën e Rivierës për të patur kthimin nga zona e Lumit të Vlorës.

Rreth 3.300 km do të jetë e gjithë “Giro d'Italia” e këtij viti 2025, e cila përfundon me etapën e Romës më 1 qershor.

Eshtë një nga aktivitetet më të mëdha Europiane të çiklizmit, me një shikueshmëri rreth 800 milionë shikues në të gjithë botën, ndërkohë që janë akredituar rreth 200 media botërore për ndjekjen e eventit, duke filluar nga 9 maji.

B.T (Dosja.al)

Sondazh

Poll

MË SHUMË