Sport

Guardiola vlerëson rivalin: "Klopp gjithmonë më shkaktonte dhimbje koke"...

“Nuk jam përballur kurrë me një kundërshtar më të fortë, më të vështirin për shkak të stilit të lojës, tranzicioneve, mënyrës së drejtpërdrejtë se si ekipi sulmonte me shumë lojtarë”.

6 Maj 2025, 11:00 Nga DOSJA
Guardiola vlerëson rivalin: "Klopp gjithmonë më shkaktonte

ANGLI - Pep Guardiola është një nga trajnerët më të suksesshëm në histori, pavarësisht se ka takuar disa kolegë shumë të rëndësishëm gjatë rrugës. Por çfarë e bëri atë të "djersijë" më shumë?

Vetë trajneri spanjol e zbuloi këtë në një video të transmetuar gjatë një kursi për Licencën UEFA Pro: "Klopp gjithmonë më ka shkaktuar dhimbje koke. Nuk kam pasur kurrë një kundërshtar si ai. Kam kaluar shumë pasdite dhe netë në shoqërinë e stafit tim teknik duke u përpjekur të kuptoja se si ta ndaloja. Kishte momente në të cilat mendoja: 'Ia dola', dhe të nesërmen isha i shkatërruar", pranoi trajneri i Manchester Cityt.

Rivaliteti midis të dyve ishte emocionues dhe karakterizoi Premier League nga viti 2016 deri në vitin 2024. Gjatë viteve të tij në krye të Liverpoolit, gjermani fitoi "vetëm" një Premier League, një Kupë FA, dy Kupa Lige, një Superkupë Evropiane, një Community Shield dhe një Kupë Bote për Klube, ndërsa Guardiola fitoi 6 Premier League, 4 Kupa Lige, 3 Community Shield, 2 Kupa FA, 1 Ligë Kampionësh, 1 Superkupë Evropiane dhe 1 Kupë Bote për Klube.

"Ato tre ose katër tituj kampionati që fituam kundër Jürgen Klopp, janë suksesi më i madh që kemi arritur ndonjëherë, sepse niveli ishte mbresëlënës. Nuk jam përballur kurrë me një kundërshtar më të fortë, më të vështirin për shkak të stilit të lojës, tranzicioneve, mënyrës së drejtpërdrejtë se si ekipi sulmonte me shumë lojtarë. Jam vërtet mirënjohës për atë që bëmë në ato vite, për kampionatet që fituam, pavarësisht cilësisë së jashtëzakonshme të kundërshtarëve me të cilët u përballëm."

Guardiola dhe Klopp u përballën gjithashtu me njëri-tjetrin kur spanjoli 54-vjeçar ishte trajner i Bayern Munich (nga viti 2013 deri në vitin 2016) dhe gjermani 57-vjeçar ishte trajner i Borussia Dortmund (nga viti 2008 deri në vitin 2015): Klopp fitoi 12 herë (tetë me Liverpoolin), Guardiola 11 dhe ata barazuan në shtatë raste.

B.T (Dosja.al)

Sondazh

Poll

MË SHUMË