Sport

Goli i Thuram rezulton goli më i shpejtë i shënuar ndonjëherë në një gjysmëfinale Champions League!

Goli i dytë i Interit u shënua nga Dumfries: holandezi - siç raportohet nga Opta - është lojtari i parë i Interit që shënon dy gola në një gjysmëfinale të Ligës së Kampionëve.

1 Maj 2025, 01:50 Nga DOSJA
Goli i Thuram rezulton goli më i shpejtë i shënuar

SPANJE - Marcus Thuram veproi shumë shpejtë në golin e pare të ndeshjes së pare gjysmëfinale të Champions League mes Barcelonës dhe Interit. Pas 30 sekondash sulmuesi zikaltër i dha Interit epërsinë në transfertë ndaj Barcelonës.

Ndërkohë që pas përfundimit të ndeshjes goli i sulmuesit francez është cilësuar si më i shpejti në një gjysmëfinale në historinë e Ligës së Kampionëve. Për Thuramin, ky ishte goli i tij i katërt në dymbëdhjetë paraqitje në këtë edicion të këtij aktiviteti, pas atij kundër Young Boys në fazën e grupeve dhe dy kundër Feyenoord në ndeshjet e dyfishta të raundit të 16-tave.

Goli i dytë i Interit u shënua nga Dumfries: holandezi - siç raportohet nga Opta - është lojtari i parë i Interit që shënon dy gola në një gjysmëfinale të Ligës së Kampionëve.

B.T (Dosja.al)

Sondazh

Poll