Politike

Berisha takon Komisionerin e BE/ Hahn: Do ngre zërin për të gjitha problematikat e ngritura nga PD

Në takimin mes tyre është diskutuar mbi situatën politike dhe demokratike në Shqipëri.

30 Prill 2025, 16:03 Nga r.ll
Berisha takon Komisionerin e BE/ Hahn: Do ngre zërin për të
takimi

VALENCIA- Kryetari i Partisë Demokratike, Sali Berisha ka zhvilluar sot një takim me Komisionerin e Bashkimit Europian, Johannes Hahn. Në takimin mes tyre është diskutuar mbi situatën politike dhe demokratike në Shqipëri.  Në qendër të bisedës ishin shqetësimet e thella mbi gjendjen e demokracisë në vend, përfshirë "kapjen e institucioneve, presionin ndaj opozitës, dhe largimin masiv të qytetarëve shqiptarë".

Sipas Berishës, keqqeverisja e kryeministrit Edi Rama dhe përfshirja e tij në manipulimin e institucioneve ka sjellë një erozion të standardeve demokratike. Lideri i PD-së ngriti shqetësime edhe për heshtjen dhe qëndrimin pasiv të disa zyrtarëve në Bruksel dhe ambasadorëve të huaj, të cilët sipas tij kanë mbyllur sytë ndaj këtyre fenomeneve dhe kanë mbështetur në mënyrë të drejtpërdrejtë Ramën.

Nga ana tjetër, Komisioneri Hahn shprehu angazhimin e tij të plotë për të qenë një avokat i fortë për forcimin e demokracisë në Shqipëri dhe për të mbështetur integrimin europian të vendit. Ai u zotua se do ta ngrejë zërin për të gjitha problematikat që janë ngritur nga Partia Demokratike dhe që janë pasqyruar në rezolutat e mbështetura nga Partia Popullore Europiane (PPE).

johannes hahn pd sali berisha

Sondazh

Poll

MË SHUMË