Aktualitet

Dhunimi i punonjëses së OSHEE/ Arrestohet i riu që ndihmoi autorin të largohej nga vendngjarja, 38-vjeçari ende në kërkim

Policia bën me dije se në pranga ka rënë personi me inicialet J.C, mbi të cilin rëndojnë veprat penale “përkrahja e autorit të krimit” dhe “moskallëzim krimi”. Mësohet se ky i fundit ka ndihmuar autorin e ngjarjes të largohej nga vendngjarja.

25 Prill 2025, 22:17 Nga M.L
Dhunimi i punonjëses së OSHEE/ Arrestohet i riu që ndihmoi
Policia

TIRANË- Një 30-vjeçar është arrestuar mbrëmjen e sotme në Tiranë pasi dyshohet se ka ndihmuar autorin që dhunoi punonjësen e OSHEE-së ditën e sotme në rrugën 'Artan Lenja', të largohej nga vendi i ngjarjes. Policia bën me dije se në pranga ka rënë personi me inicialet J.C, mbi të cilin rëndojnë veprat penale “përkrahja e autorit të krimit” dhe “moskallëzim krimi”. Mësohet se ky i fundit ka ndihmuar autorin e ngjarjes të largohej nga vendngjarja.

Ndërkohë policia vijon punën për kapjen dhe arrestimin e 38-vjeçarit për veprime të mëtejshme.

NJOFTIMI I POLICISË:

DVP Tiranë/ Ndihmoi autorin e ngjarjes së ndodhur ditën e sotme, të largohej nga vendi i ngjarjes, vihet në pranga 30-vjeçari. Vijon puna për kapjen e 38-vjeçarit që goditi me sende të forta punonjësen e Oshee-s,  në lokalin në posedim të tij, në rrugën “Artan Lenja”. Sekuestrohet automjeti i 30-vjeçarit, me të cilin u largua autori.

Në vijim të veprimeve për ngjarjen e ndodhur ditën e sotme, në rrugën “Artan Lenja”, ku mbeti e dëmtuar me sende të forta shtetasja R. H., 37 vjeçe, specialistët për Hetimin e Krimeve të Komisariatit të Policisë Nr. 2 arrestuan në flagrancë shtetasin J. S., 30 vjeç, banues në Tiranë, për veprat penale “Përkrahja e autorit të krimit” dhe “Moskallëzim krimi”. Nga hetimet ka rezultuar se ky shtetas ka ndihmuar autorin e ngjarjes, shtetasin S. C., 38 vjeç, të largohej nga vendi i ngjarjes.

Vijon puna intensive për kapjen dhe ndalimin e 38-vjeçarit. Materialet i kaluan Prokurorisë, për veprime të mëtejshme procedurale.

oshee

Sondazh

Poll

MË SHUMË