Bota

"Duhet të ndalojë së krijuari konfuzione"/ Kina mohon deklaratat e Trump-it: Nuk kemi zvhilluar negociata apo konsultime me SHBA-në për tarifat

Megjithatë, Pekini mohoi pretendimin e Trump duke thënë se Kina dhe SHBA nuk kanë zhvilluar asnjë konsultim apo negocim për tarifat. 

25 Prill 2025, 16:19 Nga M.L
"Duhet të ndalojë së krijuari konfuzione"/ Kina mohon
Foto ilustruese

SHBA- Donald Trump tha se SHBA është në bisedime me Kinën për të normalizuar luftën tregtare. Megjithatë, Pekini mohoi pretendimin e Trump duke thënë se Kina dhe SHBA nuk kanë zhvilluar asnjë konsultim apo negocim për tarifat. 

"Kina dhe SHBA nuk kanë zhvilluar asnjë konsultim apo negocim për tarifat. SHBA duhet të ndalojë së krijuari konfuzion," theksohej një deklaratë e Ministrisë së Jashtme të publikuar nga ambasada kineze në SHBA.

Në një intervistë të publikuar sot në revistën Time, Trump tha se kishte një telefonatë me presidentin kinez Xi Jinping për çështjen e tarifave. Presidenti amerikan tha se Xi e ka telefonuar dhe se qeveria e tij po bisedon me Pekinin për të arritur një marrëveshje për tarifat.

Dhe pas publikimit të intervistës dhe njoftimit nga Ministria e Jashtme kineze, Trump, duke folur para gazetarëve, tha se kishte folur me Xi, por nuk tha se kur, duke shtuar se do të jepte detaje "në momentin e duhur". Pekini ka vënë në pikëpyetje ato që Uashingtoni i quan "bisedime" ditët e fundit.

donald trump

Sondazh

Poll

MË SHUMË