Aktualitet

I gjenden në banesë armë dhe pushkë, dyshohet se njëra i përket kohës së Luftës së Dytë Botërore, vihet në pranga 68-vjeçari në fshatin Bubq

Mësohet se arrestimi i tij ka ardhur pas kontrolleve të zhvilluara në banesën e 68-vjeçarit. Policia bën me dije se nga kontrollet kanë gjetur një armë zjarri dhe një pushkë.

23 Prill 2025, 12:15 Nga N.F
I gjenden në banesë armë dhe pushkë, dyshohet se njëra
Arme

KRUJË- Një 68-vjeçar është vënë në pranga ditën e sotme në fshatin Bubq. Mësohet se arrestimi i tij ka ardhur pas kontrolleve të zhvilluara në banesën e 68-vjeçarit. Policia bën me dije se nga kontrollet kanë gjetur një armë zjarri dhe një pushkë.

Sipas policisë arma jofunksionale dyshohet se i përket kohës së Luftës së Dytë Botërore. Pas operacionit 68-vjeçari me inicialet N. K. është vënë në pranga ndërsa armët janë sekuestruar.

Njoftimi i plotë:

Krujë/Vijojnë aksionet policore kundër armëmbajtjes pa leje. Arrestohet 1 shtetas, të cilit iu gjetën armë në subjekt. Në vijim të kontrolleve të kryera nga shërbimet e Komisariatit të Policisë Krujë, në bazë të hetimeve proaktive dhe punës së inteligjencës policore, me objektiv goditjen e rasteve të armëmbajtjes pa leje, u konstatua se shtetasi N. K., 68 vjeç, mbante në subjektin e tij, në fshatin Bubq, 1 armë zjarri pushkë.

Në ambientet e këtij subjekti, u gjet dhe 1 armë jofunksionale, e dyshuar e kohës së Luftës së Dytë Botërore. Në përfundim të veprimeve procedurale, shtetasi N. K. u arrestua, si dhe u sekuestruan me cilësinë e provës materiale, 2 armët. Materialet procedurale iu referuan Prokurorisë së Tiranës, për veprime të mëtejshme.

arme ne banese arrestohet per arme 68-vjeçari ne bubq

Sondazh

Poll

MË SHUMË