Sport

Triumfi i së hënës së Pashkëve, kthen Leeds dhe Burnley në Premier League... Sheffield kalon në “play-off”

Me këto dy promovime, Premier League 2025/2026 do të shohë dy klube historike të futbollit anglez, gati për të shkruar faqe të reja në kompeticionin më të lartë kombëtar.

22 Prill 2025, 09:00 Nga DOSJA

Triumfi i së hënës së Pashkëve, kthen Leeds dhe Burnley

ANGLI - Leeds United dhe Burnley festojnë rikthimin e tyre në Premier League. Në një të hënë të Pashkëve plot emocione dhe kthesa, të dyja skuadrat siguruan matematikisht ngjitjen në Premier League, falë dy fitoreve vendimtare, dy ditë para përfundimit të kampionatit.

Leeds e hapi ditën me një paraqitje emocionuese, duke mundur Stoke City 6-0 në Elland Road. Një demonstrim i vërtetë i forcës nga skuadra e drejtuar nga Daniel Farke, i cili dominoi ndeshjen nga fillimi në fund, duke bërë që turma vendase të shpërthejë nga gëzimi. Pas dy sezonesh në Championship, “bardhët” rikthehen me shumë stil në ligën angleze.

Në mbrëmje, ishte radha e Burnley për të përfunduar punën. Clarets mbizotëruan 2-1 ndaj një Sheffield United të vendosur në përballjen e tyre në promovim, duke siguruar një rikthim në Premier League në tentativën e parë që nga zbritja e vitit të kaluar.

I mposhtur në ballë për ballë, Sheffield United tani do të duhet të vendosë shpresat e tyre në “play-off”. Pavarësisht një sezoni pozitiv, ëndrra për promovim direkt u prish në momentin më delikat.

Me këto dy promovime, Premier League 2025/2026 do të shohë dy klube historike të futbollit anglez, gati për të shkruar faqe të reja në kompeticionin më të lartë kombëtar.

B.T (Dosja.al)

Sondazh

Poll

MË SHUMË