Aktualitet

Simpozium për 113 vjetorin e krijimit, Federata Panshqiptare VATRA: Do të ndahen 10 bursa nga 500 dollarë për studentët shqiptarë! Ja kush do të jetë i pranishëm

"VATRA", gjithashtu njofton se ky simpozium do të mbledhë mbi 15 persona të njohur shqiptarë në SHBA, nga të gjitha fushat.

19 Prill 2025, 21:48 Nga r.ll
Simpozium për 113 vjetorin e krijimit, Federata Panshqiptare VATRA: Do
foto ilustruese

SHBA- Federata Panshqiptare VATRA, në kuadër të 113 vjetorit të saj njofton se në 26 prill do të organizojë një simpozium nga ora 11:30 -15:00. Në postimin e tyre në rrjetet sociale bëhet me dije se do të organizohet në Katedralen Ortodokse Shqiptare "Shën Gjergji" në Boston të SHBA-së. 

"VATRA", gjithashtu njofton se ky simpozium do të mbledhë mbi 15 persona të njohur shqiptarë në SHBA, nga të gjitha fushat.

Aty do të flitet për disa tema të ndryshme, ndërsa do të ndahen 10 bursa nga 500 dollarë për studentët shqiptarë që studiojnë në Massachusetts dhe që vijnë nga Shqipëria, Kosova, Mali i Zi, Maqedonia Veriut apo Lugina Preshevë, Medvegjë e Bujanoc!

POSTIMI I PLOTË: 

FTESË PËR KOMUNITETIN SHQIPTAR

VATRA – 113 VJET NË SHËRBIM TË KOMBIT

Simpozium dhe Ndarja e Bursave për Studentët Shqiptarë

E shtunë, 26 Prill 2025 | Ora 11:30 – 15:00

Katedralja Ortodokse Shqiptare “Shën Gjergji” – Boston

Të dashur motra e vëllezër shqiptarë,

Ju ftojmë me zemër të bashkoheni në këtë ditë të veçantë, që festojmë 113 vjet të Federatës Panshqiptare VATRA – një nga gurthemelët e historisë në Amerikë.

Ky simpozium i veçantë do të mbledhë mbi 15 persona të njohur shqiptarë në SHBA, nga të gjitha fushat.

Së bashku, do të flasim për:

• Trashëgiminë e Vatrës dhe rolin e saj historik

• Kontributi i diasporës shqiptare në Amerikë

• Mbështetjen e brezit të ri përmes bursave

• Sfidat dhe vizionin për të ardhmen e përbashkët

Gjatë kësaj dite do të ndahen 10 bursa nga $500 për studentët shqiptarë që studiojnë në Massachusetts – një investim konkret në të ardhmen e komunitetit tonë. Kriteret e aplikimit i keni në foto për të gjithë studentet shqiptar, që në SHBA, të ardhur nga Shqipëria, Kosova, Mali i Zi, Maqedonia Veriut apo Lugina Preshevë, Medvegjë e Bujanoc!

Ejani të festojmë së bashku, të frymëzohemi nga rrëfimet e suksesit, dhe të mbështesim të rinjtë tanë.

Hyrja është e lirë dhe parkingu në rrugë falas.

Ju mirëpresim me respekt dhe dashuri shqiptare.

federata panshqiptare vatra

Sondazh

Poll

MË SHUMË