Politike

Rama: Rubiku do kthehet në një prej qendrave kryesore të prodhimeve ushtarake për Forcat e Armatosura

Gjatë një takimi me banorët në Rubik, Rama theksoi se rivitalizimi i qytetit do të hapë një front i ri punësimi për një sërë specialitetesh e kategorish. 

18 Prill 2025, 12:33 Nga I.A
Rama: Rubiku do kthehet në një prej qendrave kryesore të
Edi Rama

RUBIK- Kryeministri Edi Rama ka deklaruar ditën e sotme se Rubiku do të kthehet në një prej qendrave kryesore të prodhimeve ushtarake për Forcat e Armatosura. Gjatë një takimi me banorët në Rubik, Rama theksoi se rivitalizimi i qytetit do të hapë një front i ri punësimi për një sërë specialitetesh e kategorish. Në fund Rama shtoi se puna do të jetë e cilësisë së lartë dhe e mirëpaguar për çdo kategori.

"Në kuadrin e hapjes së një faqeje të re në fushën e mbrojtjes dhe të ekonomisë, ne nisim me investimet e para për krijimin e qendrave të prodhimit të industrisë ushtarake dhe këtë kompleks e kemi identifikuar si një nga pikat, ku do të investohet dhe do të prodhohet për FA, por në masën tonë për eksport, gjë që do të thotë, e para një front i ri dhe kuptimplotë punësimi dhe e dyta punësim cilësor pasi këtu kërkohen një seri specialitetesh ashtu sikundër edhe tek të gjitha kategorive she shërbimeve mbështetëse. Punë e mirëpaguar. E treta, që duke zhvilluar këtë industri, ne nuk rrisim thjesht kapacitete tona mbrojtëse, por rrisim në mënyrë të ndjeshme, ekonominë tonë vendore këtu dhe ekonominë kombëtare. E kemi filluar punë qysh pas agresionit rus në Ukrainë dhe kemi krijuar një agjenci të posaçme, kemi krijuar ndërmarrjen shtetërore, drejtorin e kemi këtu të pranishëm dhe filozofia jonë është që investimet në rritje për mbrojtjen. Janë investime që po i bëjnë të gjitha vendet. Sot kemi ushtrinë tonë e kemi më të mirëpaguarën në rajon dhe synojmë të rrisim pagat çdo vit për të arritur në mesataren e NATO. Kjo ka rritur interesin për t’u bërë pjesë e Forcave të Armatosura. Tani filozofia jonë është të investojmë për të fituar. Asetet e ushtrisë janë keqpërdorur në mënyrë skandaloze për shumë vite, Këtu kam parasysh pronat, të cilat do të mbeten në funksion të sektorit të mbrojtjes”, tha Rama.

edi rama

Sondazh

Poll

MË SHUMË