Aktualitet

"Kemi sekuestruar shuma deri në 10 mln euro kriptomonedha!" Dumani: Të rritet kufiri i 500 eurove për ryshfetin dhe kompetencën e SPAK

Në lidhje me numrin e masave arrest me burg për korrupsion Dumani tha se ishte i ulët dhe kërkoi që të rritet kufiri i shumës 500 euro të veprës penale të korrupsionit.

14 Prill 2025, 12:14 Nga M.B
"Kemi sekuestruar shuma deri në 10 mln euro kriptomonedha!"
Altin Dumani

TIRANA- Kreu i SPAK, Altin Dumani ka raportuar në Këshillin e Lartë të Prokurorisë punën e këtij institucioni gjatë vitit 2024. Në lidhje me numrin e masave arrest me burg për korrupsion Dumani tha se ishte i ulët dhe kërkoi që të rritet kufiri i shumës 500 euro të veprës penale të korrupsionit. Gjithashtu ai tregoi se janë sekuestruar shuma deri në 10 milionë euro kriptomonedha nga ky institucion.

“Numri i atyre me masë në burg për korrupsion apo pabarazi në tendera është i ulët. 31 persona me masën arrest me burg për korrupsion. Të rritet masa prej 50 mijë lekësh (500 euro) për veprën penale të korrupsionit... Në lidhje me sekuestrimet për herë të parë kemi sekuestruar edhe kriptomonedha, shuma ka shkuar edhe deri në 10 milionë euro sekuestrim në kripto”, tha Dumani.

spak

Sondazh

Poll

MË SHUMË