Politike

"Filloi me fyerje që nuk thuhen në sy të një gruaje!" Sherri fizik me opinionistin Demaliaj, reagon Kujtim Gjuzi: Ishte tentativë për të grushtuar, por ruajta qetësinë

Gjuzi thotë se Demaliaj ka hyrë në ambientet e hotelit dhe ka shkuar në drejtim të tij duke e sharë dhe fyer. Ai thotë se ka qenë i shoqëruar në tavolinë me kryetaren e degës së Tropojës Sanije Hajdarmataj.

9 Prill 2025, 21:45 Nga M.B
"Filloi me fyerje që nuk thuhen në sy të një
Foto nga vendi i ngjarjes

TIRANA- Kryetari i Partisë Konservatore, njëherësh anëtari i koalicionit "Shqipëria Madhështore", Kujtim Gjuzi ka reaguar pas publikimit të një videoje ku ai sulmohet fizikisht nga opinionisti Ilir Demaliaj. Gjuzi thotë se Demaliaj ka hyrë në ambientet e hotelit dhe ka shkuar në drejtim të tij duke e sharë dhe fyer.

Ai thotë se ka qenë i shoqëruar në tavolinë me kryetaren e degës së Tropojës Sanije Hajdarmataj. Gjuzi shton se i ka kërkuar disa herë Demaliajt të tërhiqej, po ai s’ka dëgjuar.

"Isha me kryetaren e degës së Tropojës, Sanije Hajdarmataj, po diskutonim në tavolinën tonë. Hyn Demaliaj në holl dhe filloi me fyerje dhe sharje, me fjalë burrash që nuk thuhen në sy të një gruaje. Filloi të më fyejë, i thashë se unë jam në kafe me njerëz… më sulmoi, por u tërhoqa sepse nuk doja të merrja goditje. Doli dhe kryetarja përpara, ai nuk ndaloi, më pas ika në holl, ndërhynë badigardët e Hotel Tirana dhe çdo gjë u shua. Ishte tentativë për të grushtuar dhe sulmuar, por unë ruajta qetësinë", thotë Gjuzi në reagimin e tij.

 

kujtim gjuzi

Sondazh

Poll

MË SHUMË