Politike

"Të vijë në debat para qytetarëve", Rama për "ftesën" e Berishës: Unë debatin publik e politik kam vite që e bëj

Gjatë takimit me qytetarë dhe demokratët e degës 7 në kryeqytet, Berisha u shpreh se e fton në debat Ramën, si të dojë dhe ku të dojë ai.

8 Prill 2025, 09:10 Nga r.ll
"Të vijë në debat para qytetarëve", Rama për
edi rama

TIRANË- Kryeministri Edi Rama i është përgjigjur një komentuesi se kur do të bëjë debat publik me opozitën. Ai tha se debatin publik dhe politik ka vite që e bën, duke nënkuptuar se nuk do të ketë një përballje Rama-Berisha në debat. 

“Me cilën opozitë do bëj debat publik? Me kë? Për cilën opozitë? Nuk e kuptoj këtë, unë debat publik e politik kam vite që e bëj”, tha Rama.

Pak ditë më parë kryetari i Partisë Demokratike Sali Berisha e ftoi Ramën në debat publik. Gjatë takimit me qytetarë dhe demokratët e degës 7 në kryeqytet, Berisha u shpreh se e fton në debat Ramën, si të dojë dhe ku të dojë ai. Por sipas kryedemokratit, Rama ka frikë nga vetja e tij.

"Lëri monologjet çdo mëngjes me zhaba, hardhucë dhe zhapinj dhe urdhëron zotëri të dalim si të kesh dëshirë, me gazetarë, pa gazetarë, me qytetarë, pa qytetarë, urdhëro të dalim të paraqesim programin tonë për qytetarin shqiptar dhe Shqipërinë. Nuk vjen dot sepse tani ç’kuptova unë, ai ka frikë nga vetja e tij", u shpreh Berisha.

edi rama

Sondazh

Poll

MË SHUMË