Aktualitet

U kap në flagrancë me thikë dhe me doza droge, arrestohet 25-vjeçari në Shëngjin

Sipas njoftimit të policisë i riu kishte doza të dyshuara narkotike kokainë dhe kanabis, që ai i posedonte me qëllim shitjen. Droga dhe thika janë sekuestruar.

7 Prill 2025, 10:58 Nga N.F
U kap në flagrancë me thikë dhe me doza droge, arrestohet
Droga dhe thika e sekuestruar

LEZHË- Një 25-vjeçar është vënë në pranga ditën e sotme në Shëngjin në Lezhë. Mësohet se arrestimi i të riut ka ardhur pasi ai është kapur në flagrancë me thikë dhe me doza droge. I arrestuari me inicialet I.I u kontrollua nga policia ku dhe u bë i mundur zbulimi i dozave të drogës.

Sipas njoftimit të policisë i riu kishte doza të dyshuara narkotike kokainë dhe kanabis, që ai i posedonte me qëllim shitjen. Droga dhe thika janë sekuestruar. I riu akuzohet për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”.

Njoftimi i policisë:

Specialistët e Seksionit për Hetimin e Narkotikëve të DVP Lezhë, në bashkëpunim me shërbimet e Stacionit të Policisë Shëngjin, si rezultat i veprimeve hetimore të kryera bazuar në informacionet e siguruara nga inteligjenca informative, goditën një rast të shitjes së lëndëve narkotike, në doza.

Në vijim të veprimeve për këtë rast, u arrestua në flagrancë shtetasi I. I., 25 vjeç, banues në Shkodër. Gjatë kontrollit fizik ndaj këtij shtetasi, shërbimet e Policisë gjetën doza të lëndëve të dyshuara narkotike kokainë dhe kanabis, që ai i posedonte me qëllim shitjen, dhe një mjet prerës (thikë), të cilat u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”.

arrestohet 25-vjecari ne shengjin droge

Sondazh

Poll

MË SHUMË