Bota

U kundërpërgjigjën SHBA-së me tarifa prej 34%, Trump: Kina luajti gabim, u kapën nga paniku

Ministria e financave e Kinës tha se tarifat e SHBA për produktet kineze nuk janë në përputhje me rregullat e tregtisë ndërkombëtare. 

4 Prill 2025, 18:08 Nga r.ll
U kundërpërgjigjën SHBA-së me tarifa prej 34%, Trump: Kina
donald trump

SHBA- Presidenti amerikan Donald Trump thotë se Kina ka luajtur gabim duke i kundërpërgjigjur SHBA-së me tarifa shtesë.  Në një postim në Truth Social, Trump tha se Kina tregon se e ka kapur paniku me vendimin e saj për t'u kundërpërgjigjur me tarifa.

“Kina e bëri gabim, ata u kapën nga paniku”, thotë Trump. "E vetmja gjë që ata nuk mund të përballojnë të bëjnë!"

U kundërpërgjigjën SHBA-së me tarifa prej 34%, Trump: Kina

Pekini iu përgjigj tarifës prej 34% të Trump me taksën e vet me të njëjtën përqindje për importet amerikane. Masa do të hyjë në fuqi nga 10 prilli. Ministria e financave e Kinës tha se tarifat e SHBA për produktet kineze nuk janë në përputhje me rregullat e tregtisë ndërkombëtare. 

"Kjo praktikë e SHBA është në kundërshtim me rregullat e tregtisë ndërkombëtare, minon seriozisht të drejtat dhe interesat legjitime të Kinës dhe është një praktikë tipike e njëanshme e frikësimit," tha ministria kineze në një deklaratë.  

Presidenti i SHBA Donald Trump njoftoi tarifa 54% ndaj Pekinit, të cilat përfshijnë tarifa të mëparshme tashmë të vendosura, duke e bërë Kinën një nga vendet më të goditura në listën tarifore të SHBA. Menjëherë pas njoftimit të hakmarrjes kineze, tregjet financiare  të Europës regjistruan një rënie të re. Në Londër, indeksi FTSE 100 ka humbur tani 313 pikë, ose 3.7%, që nga hapja e tregtisë në 8,173 pikë, duke shënuar rënien e tij më të madhe njëditore që nga marsi 2023.

donald trump kine shba

Sondazh

Poll