Bota

Argëtohej duke hakeruar Ministritë! Si arriti 15-vjeçari të thyente sistemet e sigurive institucionale dhe të devijonte udhëtimet e anijeve të naftës në Mesdhe

Mediat italiane shkruajnë se djali pikaste kryesisht ministritë. Megjithatë, si fillim arsyeja ishte që të futej në arkivin e raporteve dixhitale të institutit teknik Cesena që ndjek, shkolla, dhe të ndërhynte në sistemin e notave duke e bërë veten nxënës kaluas në disa lëndë të mbartura.

4 Prill 2025, 12:25 Nga M.B
Argëtohej duke hakeruar Ministritë! Si arriti 15-vjeçari
Foto ilustruese

ITALIA- Një 15-vjeçar nga Cesena në Itali u denoncua nga Policia Postare në Prokurorinë e Gjykatës për të Mitur të Bolonjës për një sërë krimesh kompjuterike. I mituri me aftësi shumë të avancuara dhe me njohje tepër të mira në teknologji e përdorte si aktivitet argëtues thyerjen e sistemeve të sigurive online të institucioneve.

Mediat italiane shkruajnë se djali pikaste kryesisht ministritë. Megjithatë, si fillim arsyeja ishte që të futej në arkivin e raporteve dixhitale të institutit teknik Cesena që ndjek, shkolla, dhe të ndërhynte në sistemin e notave duke e bërë veten nxënës kaluas në disa lëndë të mbartura.

Nga ana tjetër, sipas të dhënave 15-vjeçari kaloi në portalet e programeve kompjuterike që drejtojnë rrugët e anijeve të naftës dhe transportit që lundrojnë në Detin Mesdhe. Me të hyrë brenda, pa ndonjë interes konkret, përveç dëshirës për t'u argëtuar, ai ndërroi rrugën e disa naftëmbajtësve, duke i detyruar të devijojnë nga linjat e planifikuara.

adriano arati

Sondazh

Poll

MË SHUMË