Bota

Shkon në 28 numri i të vdekur nga zjarret në Korenë e Jugut, shirat ndihmuan në shuarjen e flakëve

Zjarret masive ndërprenë linjat e energjisë dhe telekomunikacionit në të dyja rrugët, duke detyruar mijëra banorë të largohen në panik, me flakët që pushtuan vendin. 

28 Mars 2025, 10:03 Nga E. D
Shkon në 28 numri i të vdekur nga zjarret në Korenë e Jugut,
foto ilustruese

KOREJA E JUGUT- Shirat gjatë natës kanë ndihmuar në shuarjen e disa prej zjarreve më të këqija që Koreja e Jugut ka parë ndonjëherë, thanë autoritetet sot, pasi numri i të vdekurve nga zjarri që ka shpërthyer për gati një javë u rrit në 28. Zjarret masive ndërprenë linjat e energjisë dhe telekomunikacionit në të dyja rrugët, duke detyruar mijëra banorë të largohen në panik, me flakët që pushtuan vendin. 

Ato u përkeqësuan nga erërat e forta dhe thatësira ekstreme, pasi reshjet në muajt e fundit kanë qenë shumë nën mesataren. Për më tepër, viti 2024 ishte deri tani viti më i ngrohtë i regjistruar ndonjëherë në Korenë e Jugut.  Megjithatë, natën e së enjtes deri të premten, në disa nga zonat e goditura nga zjarri ranë reshje, duke ndihmuar zjarrfikësit të frenojnë më të mëdhatë.

Shiu kontribuoi në përpjekjet për të shuar zjarrin, tha Lim Sang-saop, kreu i Shërbimit Pyjor të Koresë së Jugut. Ministria e Brendshme e Koresë së Jugut tha sot se 28 persona u vranë dhe 37 të tjerë u plagosën, përfshirë 9 në gjendje të rëndë. Të vdekurit përfshijnë të paktën katër zjarrfikës dhe një pilot helikopteri që u rrëzua dje në një zonë malore ndërsa po merrte pjesë në përpjekjet për të kontrolluar flakët, sipas autoriteteve. Më shumë se 2,240 shtëpi u shkatërruan nga zjarret, ndërsa një zyrtar tha dje se 350,000 hektarë ishin djegur.

koreja e jugut

Sondazh

Poll

MË SHUMË