Sport

I shkarkuar të dielën, Motta tregon se ka përjetuar "momente intensive" te Juvja

Këtë të hënë, në një mesazh të publikuar në faqen zyrtare të Juventusit, Thiago Motta ka thënë se kishte “përjetuar momente intensive” në stolin e “Zonjës së Vjetër”, para shkarkimit të tij këtë të dielë.

24 Mars 2025, 16:50 Nga DOSJA
I shkarkuar të dielën, Motta tregon se ka përjetuar "momente

ITALI - Është një mesazh lamtumire pa ashpërsi. Mesditën e kësaj të hëne, në faqen e Juventusit, Thiago Motta foli për herë të parë pas njoftimit të dielën për shkarkimin e tij nga posti i trajnerit të “Zonjës së Vjetër”, të cilin e mbajti për tetë muaj. 

“Kam përjetuar momente intensive, gjithmonë përballë vendosmërisë maksimale dhe dëshirës për t'u përmirësuar çdo ditë”, tha trajneri braziliano-italian.

“Falënderoj menaxhmentin që më dha mundësinë të jem pjesë e këtij klubi të madh, të gjithë njerëzit në klub që më mbështetën në punën time të përditshme dhe lojtarët për punën dhe përkushtimin që dhanë që nga dita e parë”, vazhdoi ai.

“I uroj tifozëve dhe Juventusit më të mirën për të ardhmen”, përfundoi ish-mbrojtësi i Paris Saint-Germain. Nën Mottan, i cili mbërriti korrikun e kaluar pas dy sezonesh në Bologna (2022-2024), Juve u eliminua muajin e kaluar nga Champions League dhe kupa e Italisë, ku ishin fituesit në fuqi.

Për të siguruar këtë vend të katërt, vendimtar për financat e klubit të tyre, drejtorët e Juves emëruan si trajner Igor Tudor, ish-lojtar i “Zonjës së Vjetër”, i cili ishte asistent i Andrea Pirlos gjatë sezonit 2020-2021.

B.T (Dosja.al)

Sondazh

Poll

MË SHUMË