TIRANË– Këto janë gjashtë drejtoritë e Ministrisë së Drejtësisë. Në faqen online të Ministrisë, tek drejtoritë, mund ta gjejë gjithkush, këtë grafikë. Nga 6 drejtori, duket sikur 2 janë pa drejtorë, por në fakt nuk është ashtu. Është akoma më keq. Janë 3 drejtorë që mungojnë. Katrin Treska drejtoresha e drejtorisë së Përgjithshmë Rregullatore të Çështjeve të Drejtësisë, është shkarkuar që në 11 dhjetor 2019, më shumë se një muaj. Madje pas shkarkimit ajo bëri edhe një letër publike për Kryeministrin dhe Kolegët. “Këshilla ime për ju, është që ndonjëherë mund edhe t’i thoni Stop, sokëllimave të përçarta të Etildës. Kjo vlerë edhe për ty Sekretar. Bëhu burrë ndonjëherë se, nuk bëhet kiameti dhe as prishet prokurorimi”, shkruante Treska, duke nënkuptuar qartësisht korruspionin në Ministri.
Ajo e drejtoi gishtin veçanërisht tek Sekretari i Përgjithshëm
“Për kolegët/koleget: Sidomos për ata që u përlotën kur ika dje dhe u tronditën shumë kur më panë që mblidhja sendet vetjake të zyrës. Nuk përmend dot emra, se edhe lotët mund t’ju ngarkojnë me faj. Sekretari do mërzitej dhe do ju merrte në pyetje me orë të gjata siç e ka zakon, thua nuk ka punë të bërë, ndërsa Etilda do ju hakërrehej: kush do t’iki pas saj, se ju shkarkoj menjëherë! (me një të kërcitur gishtash në fakt).
Por kam një këshillë për ju…mos duroni kurrë t’ju shkelet dinjiteti apo t’ju ndrydhet personaliteti, nga askush, as nga Sekretari, as nga Etilda Ministresha. Mos e lejoni më, as njërën, as tjetrën. Puna nuk është çark, është punë dhe frymë bashkëpunimi në grup, për përmbushjen e objektivave të vendosur dhe për t’i shërbyer njerëzve të vendit tonë që, ftohtë i thërrasin taksapagues. Puna duhet t’ju japë kënaqësi”- shkruante drejtoresha e shkarkuar.
Megjithatë emri i saj është ende në faqe, ajo vazhdon të jetë drejtoreshë sipas Ministrisë. A bëhet kjo se askush nuk e vret mendjen për transparencën me publikun, se tenderat i kanë hutuar aq shumë sa të harrojnë kush janë drejtorët, apo për të fshehur faktin që në Ministrinë e Drejtësisë mungojnë 3 drejtorët më të rëndësishëm? Një nga të 3 është drejtori i auditit, ndërsa drejtorët e tenderave janë aty. Kuti e plotësuar, pavarësisht se me tenderat merret direkt Sekretari i përgjithshëm, që para se të bëhej drejtues i lartë civil, ishte nëpunës i lartë politik, këshilltar i ministres dhe para se të bëhej këshilltar i Ministres që duhet të rregullojë Drejtësinë, ka qenë në Bankën e Shqipërisë, ku është shkarkuar për çështje që duhet t’i ndjekë Drejtësia.
Sot, pak më shumë se një muaj nga letra e ish-drejtoreshës Katrin Treska, duket se letra e saj ka qenë plotësishte vërtetë. Në Ministrinë e Drejtësisë, askush nuk po merret me drejtësinë, stafi drejtues për çështjet e Drejtësisë është bosh. Me tenderat ama, po merren me orare të zgjatura.
Drejtoritë i gjeni online NË KËTË LINK
(e.a/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
SKRAPAR– Dita e shtunë, mbledh në qytetin e Çorovodës banorët e fshatrave për rreth. Në qendër, në një treg të hapur, shitet dhe blihet thuajse çd...
ITALI- Nëntë nga 13 të arrestuarit nga grupi kriminal kanë kërkuar gjykim të shkurtuar. Disa nga anëtarët e dyshuar të konsideruar të grupit të “mafies viterbes...
TIRANË– Kreu i Gjykatës kundër Korrupsionit dhe Krimit të Organizuar (GJKKO), Sandër Simoni ka dalë ditën e sotme para Komisionit të Pavarur të Kuali...
VLORË– Më shumë se tetë persona kanë rënë në pranga nga Policia e Vlorës. Dosja.al mëson se arrestimet janë bërë në kuadër të një operacioni ‘blic...
TIRANË- Endrit Dokle, i dënuar me burgim të përjetshëm, nga sot do të jetë në liri, pas vendimit të Gjykatës së Krujës që i ka ‘falur’ 5 vite burg. Sipas v...
TIRANË– Mondi Voga, 44 vjeç nga Fushë Kruja, ka rënë në prangat e Policisë së Tiranës pasi është kapur me armë zjarri teksa lëvizte me një automjet ...
KRUJË– Detaje të reja janë zbuluar nga seanca gjyqësore e zhvilluar në Gjykatën e Krujës, nga e cila fitoi lirinë Endrit Dokle. Mësohet se gjatë seancës av...
TIRANË– Agim Çako, administratori i kompanisë “Mateo Konstruksion” që ka lidhur kontratë me Endrit Doklen nuk është një emër i pan...
TIRANË- Aksion i policisë Rrugore të Tiranës përgjatë 12 orëve të fundit. Si rezultat i këtij aksioni janë sekuestruar armë zjarri, një mjet i blinduar, fe...
TIRANË– Endrit Dokle, numri dy i bandës së Durrësit, që u lirua sot nga buergu ka tashmë një kontratë punësimi. Dosja.al mëson se Dokle rezulton të ketë nj...