Bota

Vatikani: Papa Françesku nesër në mesditë do të bekojë besimtarët nga dritarja e spitalit

Fjalimi i Françeskut do t'i shpërndahet edhe shtypit nesër në formë të shkruar.

22 Mars 2025, 16:59 Nga N.F
Vatikani: Papa Françesku nesër në mesditë do të
Papa Françesku

ITALI- Dhoma e shtypit të Vatikanit ka njoftuar se nesër në mesditë Papa Françesku do të bekojë dhe përshëndesë besimtarët nga dritarja e dhomës së tij në spitalin Agostino Gemelli në Romë. Kjo është hera e parë që Papa do të dalë publikisht para besimtarëve që kur u shtrua në spital më 14 shkurt për shkak të pneumonisë së dyfishtë.

Fjalimi i Françeskut do t'i shpërndahet edhe shtypit nesër në formë të shkruar. Papa Franesku është parë nga publiku vetëm një herë që kur u shtrua në spital më 14 shkurt, në një fotografi të publikuar nga Vatikani javën e kaluar, e cila e tregonte atë duke u lutur në një kishëz spitalore. Vatikani tha të premten se gjendja e Papës po përmirësohet, por një zyrtar tha se ai mund të duhet të “mësojë të flasë” pas përdorimit të zgjatur të terapisë me oksigjen të lartë.

papa françesku

Sondazh

Poll

MË SHUMË