Bota

Protestuesit në Stamboll mblidhen sërish para bashkisë, në mbështetje të Imamoglut

Mijëra njerëz ndodhen jashtë bashkisë pasi kryebashkiaku ndodhet në paraburgim

19 Mars 2025, 19:46 Nga A.Ll
Protestuesit në Stamboll mblidhen sërish para bashkisë, në
Protestat ne Stamboll

STAMBOLL - Pavarësisht ndalimeve dhe brutalitetit të policisë në qendër të Stambollit, mijëra qytetarë dolën në rrugë të mërkurën mbrëma për të protestuar në favor të kryebashkiakut Ekrem Imamoglu, i cili u arrestua në mëngjes së bashku me mbi 100 persona.

Mijëra njerëz janë mbledhur jashtë bashkisë në pritje për të dëgjuar fjalimin e kreut të CHP, Özgür Özel.

Ndërkohë, guvernatori i Stambollit urdhëroi mbylljen e disa rrugëve kryesore, stacioneve të metrosë dhe rrugëve në qytet, si dhe qendrave kryesore të transportit, ndërsa vendosi një ndalim katër-ditor të demonstratave. Qëllimi i dukshëm është të parandalohen demonstratat që të ndodhin ose të paktën të pengohen në mënyrë të konsiderueshme ato.

Qeveria ka marrë edhe masa ligjore. Aktivistët thonë se që nga mëngjesi i së mërkurës, qasja në platformat kryesore të mediave sociale, si X, Instagram, YouTube dhe TikTok, është kufizuar.

Kujtohet se arrestimi i Imamoglu vjen një vit pas fitores së tij në zgjedhjet komunale në të cilat ai u rizgjodh me 51.14% të votave.

protestat stamboll ekrem imamoglu

Sondazh

Poll

MË SHUMË