Aktualitet

"Ai i drogës", si oficeri i policisë Ervis Alisinanaj porosit Kristo Qiricin që ‘vendi të jetë i pastër’

Kristo Qirici bisedon me Erdit Hazizaj, ku i bën me dije që e kanë informuar në lidhje me një shkresë që ka ardhur nga Departamenti Qendror, dyshohet Departamenti i Policisë Kriminale.

18 Mars 2025, 20:56 Nga r.ll
"Ai i drogës", si oficeri i policisë Ervis Alisinanaj
foto ilustruese

TIRANË- Bisedat Sky Ecc

4 Gusht 2020

Kristo Qirici komunikon me Ervis Alisinanaj, oficer policie, me pseudonimin ‘Bjondi’.

Alisinanaj e porosit që vendi të jetë sa më i pastër, pasi s’duhet të ketë dyshime, me qëllim që mos të nisi procedimi penal.

Gjithashtu, e mëson që mos t’i djegë në vend. Dyshohet se komunikojnë në lidhje me ndonjë parcelë të mbjellë me bimë narkotike.

Janë këto biseda që nxjerrin zbuluar edhe tradhtinë e punonjësve të policisë të përfshirë në afera kriminale ndaj kolegëve të tyre.

Ku njërën prej tyre Ervis Alisinanaj, mban të informuar Kristo Qiricin në lidhje me shkresat e Drejtorisë së Policisë.

Bisedë të cilin ai e ndan edhe me oficerin e policisë Erdit Hazizaj.

Bisedat Sky Ecc

4 Gusht 2020

Kristo Qirici bisedon me Erdit Hazizaj, ku i bën me dije që e kanë informuar në lidhje me një shkresë që ka ardhur nga Departamenti Qendror, dyshohet Departamenti i Policisë Kriminale.

Shkresë ku thuhet se Kristo dhe persona të tjerë janë të përfshirë në kultivimin e narkotikëve. Qirici e pyet Erditin nëse kishte mundësi të merrte informacion në lidhje me mënyrën se si është siguruar ky informacion dhe Erditi i përgjigjet që dyshon se është informacion i ardhur nga ‘SHIK’.

Kristo i tregon që një person të cilit i referohet si ‘ai i drogës’ i referohet oficerit të policisë Ervis Alisinanaj e kishte lajmëruar dhe i kishte kërkuar që të pastronte vendin ku kishte kultivuar pa lënë gjurmë.

Erdit Hazizaj: Vëlla, do keni ndonjë motër ,,, ju aty mes jush.

Lidhur mbi këtë rast, ku në shkresë përmendet emri i tij, Kristo Qirici kërkon edhe ndihmën e Ervis Alisinanaj dhe të bashkëpunëtorit të tij Shkëlzen Kraja.

Ky i fundit i cili gjatë periudhës nga data 30 Qershor 2020 deri më shtator të këtij viti ka hyrje-dalje të shpeshta në drejtim të Greqisë.

Ku sa herë lëviz njofton Eldjon Alushajn ose Kristo Qiricin.

Biseda Sky Ecc

4 Gusht 2020

Kristo Qirici komunikon me Shkëlzen Krajën.

Ku e informon që po shkon të takojë shefin, duke iu referuar kështu Ervis Alisinanajt.

Dhe njëkohësisht i thotë të përgatisë çunat që t’i futen në pyll,

Në vijim ai i thotë Krajës se pasi ka takuar Ervisin do i prishin  parcelat me bimë narkotike, pasi kishte ardhur shkresë nga Departamenti Qendror, ku ishin emrat, numrat e telefonit dhe çdo gjë e tyre.

Kristo Qirici i tregon Shkëlzen Krajës po kështu se kishte dijeni edhe Drejtori i Vlorës,

i cili dyshohet se i’a ka dhënë informacionin punonjësve të Komisariatit Sarandë, pasi i kishte ardhur informacioni nga Tirana.

Por Elvis Alisinanaj mban të informuar edhe Eldjon Alushaj, që edhe ky nga ana e tij ka parcelat e tij me kanabis të mbjella në zonë./ "Në Shënjestër", Balkanweb

kristo qirici ervis alisinanaj

Sondazh

Poll

MË SHUMË