Bota

"Evropa në shënjestër të Rusisë"/ Ursula Von der Leyen paralajmëron një luftë të re

Bashkimi Europian përgatitet për konfrontim, synon të dyfishojë ndihmën ushtarake për Ukrainën

18 Mars 2025, 18:18 Nga A.Ll
"Evropa në shënjestër të Rusisë"/ Ursula Von
Presidentja e Komisionit Evropian, Ursula von der Leyen

BRUKSEL - Bashkimi Evropian është gati të dyfishojë ndihmën e tij ushtarake për Ukrainën këtë vit, ndërsa Rusia po përgatitet për një konfrontim të ardhshëm me demokracitë evropiane, deklaroi presidentja e Komisionit Evropian, Ursula von der Leyen.

Duke folur në Akademinë Ushtarake Mbretërore Daneze në Kopenhagë, Von der Leyen theksoi se Moska ka zgjeruar ndjeshëm kapacitetin e saj ushtarako-industrial, duke e përdorur këtë investim si një mjet për të mbështetur luftën kundër Ukrainës dhe për t'u përgatitur për një konflikt të mundshëm me Perëndimin.

Shefja e KE-së po ashtu foli për strategjinë e re të mbrojtjes së BE-së, duke konfirmuar se përgjegjësia për forcat e armatosura do të mbetet në duart e shteteve anëtare, pavarësisht angazhimit të përbashkët evropian.

Ndërkohë, një dokument i BE-së i cituar nga Reuters sugjeron se ndihma ushtarake për Ukrainën mund të arrijë në 40 miliardë euro këtë vit, duke e dyfishuar mbështetjen e dhënë vitin e kaluar. Kjo shumë do të varet nga nevojat e Kievit dhe angazhimi i vendeve anëtare për të mbështetur Ukrainën në luftën kundër agresionit rus.

bashkimi europian ursula von der leyen ukraina rusia

Sondazh

Poll

MË SHUMË